جاپونيانىڭ ساپپورو قالاسىندا وتەتىن قىسقى ازيادا-2017 ويىندارىندا قازاقستان تۋى رەسمي تۇردە كوتەرىلدى. ءراسىم بۇگىن ءوتتى. بۇل تۋرالى مادەنيەت جانە سپورت مينيسترلىگى جانىنداعى سپورت جانە دەنە شىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ مالىمدەدى.
«بۇل ادەتتەگى ازيا ەلدەرىنىڭ سپورتشىلارى قاتىساتىن ءىس-شارا. تۋىمىز كوتەرىلدى, ءانۇرانىمىز ورىندالدى. ەندى ءبىز كونتينەنتتىك جارىسقا رەسمي تۇردە قاتىسامىز. سپورتشىلارىمىزدىڭ تولىعىمەن كەلدى. قاتىسۋشىلارعا بارلىق جاعداي جاسالعان. ەندى جارىستارعا دايىندىقتى باستايمىز», – دەدى ەلسيار قاناعاتوۆ.
ايتا كەتەيىك, قىسقى ازيادا-2017 ويىندارى جاپونيانىڭ ساپپورو قالاسىندا 19-26 اقپان ارالىعىندا وتەدى. جارىستىڭ 11 تۇرىنەن ونەر كورسەتىپ, 64 مەدالعا تالاسادى.
فوتو: vesti.kz.