مونوپولياعا قارسى كوميتەت كارتەلدىڭ قوعامدىق قاۋىپتى ارەكەت بولىپ تابىلۋىنا بايلانىستى (ونىڭ ىشىندە, تاۋارلار مەن كورسەتىلەتىن قىزمەتتەرگە باعالاردىڭ نەگىزسىز وسۋىنە اكەپ سوعۋى مۇمكىن), بارلىق ازاماتتاردىڭ نازارىن قۇقىق بۇزۋشىلىق بەلگىلەرىنە اۋدارادى, سەبەبى مونوپولياعا قارسى ۆەدومستۆو قىزمەتكەرلەرى ءۇشىن تەرگەپ-تەرگەۋدى باستاۋ نەگىزدەرىنىڭ ءبىرى جەكە جانە زاڭدى تۇلعالاردىڭ ءوتىنىشى (شاعىمى) بولىپ تابىلادى.
ەگەر مۇنداي كەلىسىمدەر باعالاردى (تاريفتەردi) بەلگiلەۋگە, ساۋدا-ساتتىقتا باعالاردى وسىرۋگە, ساۋدا-ساتتىق پەن اۋكتسيونداردىڭ قورىتىندىلارىن بۇرمالاۋعا, تاۋار نارىعىن بولۋگە, تاۋار ءوندiرiسiن قىسقارتۋعا نەمەسە توقتاتۋعا, شارت جاساسۋدان باس تارتۋعا اكەپ سوعۋى مۇمكiن بولسا, نارىق سۋبەكتىلەرى - باسەكەلەستەر اراسىنداعى دەڭگەيلەس كەلىسىمدەر كارتەل دەپ تانىلادى
وسىعان بايلانىستى, كارتەلدىك ءسوز بايلاسۋدى انىقتاۋ بويىنشا جۇمىستى كۇشەيتۋ ماقساتىندا كوميتەتتىڭ سايتىندا - www.kremzk.gov.kz «كارتەل تۋرالى حابارلا!» اتتى باننەر ورنالاستىرىلدى.
وسى بولىمدە كارتەل تۋرالى جالپى اقپارات, قۇقىقتىق بازا جانە ت.ب. ورنالاستىرىلدى, سونداي-اق كەرى بايلانىس نىسانى ازىرلەندى, كارتەلدىك ءسوز بايلاسۋ بەلگىلەرىن كورسەتەتىن ماتەريالداردى جىبەرۋگە بولاتىن ەلەكتروندىق مەكەنجاي مەن فاكس كورسەتىلدى.
وسىعان بايلانىستى, ادال كاسىپكەرلەر مەن بەلسەندى ازاماتتىق ۇستانىمى بار ازاماتتاردى كارتەلدىك استىرتىن ىمىرالاسۋدىڭ بارلىق وزدەرىنە ءمالىم بولعان جاعدايلارى تۋرالى حابارلاۋعا شاقىرامىز. بۇل مەملەكەت كوزدەگەن باسەكەلەستىك نەگىزدە ادىلدىكتى قالپىنا كەلتىرۋگە جانە تاۋار نارىقتارىنىڭ جۇمىس ىستەۋى مەن ولاردى دامىتۋدى قولداۋعا جاردەمدەسەدى. سالاماتتى باسەكەلەس ورتا تاۋارلاردىڭ ءتۇر-ءتۇرىن, ءارتۇرلى جانە قولجەتىمدى باعالاردى, سونداي-اق لايىقتى ساپانى بىلدىرەتىنى بەلگىلى.
بۇل تۋرالى مونوپولياعا قارسى ورگانعا ءبىرىنشى حابارلاعان جانە ءسوز بايلاسۋعا ءوزىنىڭ قاتىسۋىن توقتاتۋ بويىنشا جەدەل شارالار قابىلداعان, تۇتىنۋشىلارعا كەلتىرىلگەن زياننىڭ ورنىن ەرىكتى تۇردە تولتىرعان نارىق سۋبەكتىسى - كارتەلگە قاتىسۋشى اكىمشىلىك جاۋاپكەرشىلىكتەن تولىقتاي بوساتىلاتىنىن اتاپ وتەمىز!