قوستانايدا توتەنشە جاعدايدار دەپارتامەنتى قىزمەتكەرلەرى جەرگىلىكتى پوليتسيا قىزمەتىمەن بىرلەسىپ, ءۇي ءورتىنىڭ الدىن الۋ شارالارىن, ادامداردى اقپاراتتاندىرۋ جۇمىستارىن باستادى. سەبەبى, وتكەن جىلى وبلىستا 1185 ءورت تىركەلگەن, ونىڭ 819-ى جەكە سەكتوردا بولعان. سونىڭ سالدارىنان 37 ادام ءتىلسىز جاۋدىڭ قۇربانى بولدى. اسىرەسە, ونىڭ ىشىندە 19 ادام ماس كۇيىندە قازا تاپقان.
توتەنشە جاعدايلار دەپارتامەنتى قىزمەتكەرلەرىنىڭ ايتۋىنشا, ادامداردىڭ مۇنداي جاعدايدا وپات بولۋىنا كوبىنە تۇرعىنداردىڭ الەۋمەتتىك بەيىمدەلمەگەنىنەن. سونداي-اق, الەۋمەتتىك تومەنگى توپتاردىڭ اراسىندا ورىن الادى.
«بىرلەسكەن رەيد كەزىندە جەكە سەكتەورلاردا تۇراتىن الەۋمەتتىك تۇرمىسى تومەن جانە الەۋمەتتىك بەيىمدەلمەگەن ازاماتتارعا ءورت بولدىرماۋدىڭ الدىن الۋ شارالارى تۋرالى ءتۇسىندىرىپ, «تۇنشىقتىرعىش گاز», «ەلەكتر قوندىرعىلارىن ءسوندىرىڭىز» جادىنامالارى مەن «ءورت كەزىندەگى ارەكەت» پلاكاتتارى تاراتىلدى», – دەيدى قوستاناي قالالىق ءىىب جپق ونتۇستىك ءبولىمىنىڭ ۋچاسكەلىك ينسپەكتورى پوليتسيا لەيتەنانتى ق.ا. مارات.
ءنازيرا جارىمبەتوۆا, «ەگەمەن قازاقستان»