مۇنان بۇرىن دا وبلىس وڭىرىندە زاڭسىز ەلىك اتۋ تۋرالى حابارلانعان. جاقىندا عانا پوليتسەيلەر مەڭدىعارا اۋدانىنىڭ جارقايىڭ اۋىلىنان 30 جاستاعى ەر ادامنىڭ ۇيىنەن اتىپ الىپ, تىعىپ قويعان ەلىكتى تاۋىپ الدى. قوستاناي وبلىستىق ىشكى ىستەر دەپارتامەنتى تابيعات قورعاۋ پويتسياسىنىڭ باسشىسى تالعات احمەتوۆتىڭ ايتۋىنشا, وڭىردە سيرەك كەزدەسەتىن ءسىبىر ەلىگىنىڭ تەرىسىن بىرنەشە جەردەن وق تەسكەن, ونى ىدىسقا سالىپ جاسىرعان. براكونەردىڭ ەلىكتى اتىپ العانىن دالەلدەۋدىڭ دە قاجەت بولعان جوق.براكونەردىڭ جاتىن بولمەسىندەگى توسەكتىڭ استىنان تىركەلمەگەن ەكى اڭشى مىلتىعى تابىلدى. قازىر زاڭسىز اڭ اۋلاعانى ءۇشىن سوتقا دەيىنگى تەرگەۋ امالدارى جۇرگىزىلىپ جاتىر.
ءنازيرا جارىمبەتوۆا, «ەگەمەن قازاقستان»