اقپان ايىنىڭ العاشقى جارتىسىندا اسا ءىرى كولەمدە ەسىرتكى ساقتاۋ فاكتىلەرىن انىقتاۋ جانە ونىڭ جولىن كەسۋگە باعىتتالعان «ترانزيت» جەدەل-پروفيلاكتيكالىق ءىس-شاراسى ۇيىمداستىرىلدى.
ەسىرتكىگە قارسى كۇرەس دەپارتامەنتىنىڭ ۇيىتقى بو-لۋىمەن وتكەن وپەراتسياعا پوليتسيانىڭ 2 512 قىزمەتكەرى قاتىستىرىلىپ, شارا اياسىندا 142 ەسىرتكى قىلمىسى انىقتالعان جانە 150 كيلوگرامم ەسىرتكى زاتتارى تاركىلەندى.
العا قويعان ماقسات-ءمىندەتتەر تولىعىمەن ورىندالدى دەۋگە نەگىز بار. سەبەبى, 227 جەدەل-ىزدەستىرۋ توبىنىڭ ماماندارى پروفيلاكتيكالىق شارا اياسىندا 2 273 اۆتوكولىك پەن 610 رەيستىك اۆتوبۋس, 178 جولاۋشىلار پويىزى, 24 اۋە رەيسىن مۇقيات باقىلاۋدان وتكىزگەن. ناتيجەسىندە, 142 ەسىرتكى قىلمىسى انىقتالعان. ونىڭ ىشىندە ەسىرتكى ءوتكىزۋدىڭ – 94, اسا ءىرى كولەمدە ساقتاۋدىڭ – 40 جانە كونتراباندالىق ارەكەتتىڭ 8 فاكتىسى تىركەلىپ, زاڭسىز اينالىمنان 150 كيلوگرامم ەسىرتكى قۇرالدارى الىنعان.
نۇرلىبەك دوسىباي,
«ەگەمەن قازاقستان»