ەلىمىزدىڭ بىرنەشە وبلىسىندا جول جابىلدى

اقتوبە جانە وڭتۇستىك قازاقستان وبلىستارىنداعى جولدار جابىلدى, دەپ حابارلايدى ىشكى ىستەر مينيسترلىگىنىڭ توتەنشە جاعدايلار كوميتەتى. اقتوبە وبلىسىندا اۋا رايىنىڭ ناشارلاۋىنا بايلانىستى (قار, بۇرقاسىن, جولدىڭ كورىنبەۋى) رەسپۋبليكالىق ماڭىزى بار «اقتوبە-اتىراۋ-استراحان» (246-330 شاقىرىمدار), «قاندىاعاش-ەمبى-شالقار-ىرعىز» (92- 258 شاقىرىمدار) جولى بارلىق اۆتوكولىك تۇرلەرى ءۇشىن جابىلدى. وڭتۇستىك قازاقستان وبلىسىندا دا اۋا رايىنىڭ قولايسىزدىعىنان (بۇرقاسىن, كوكتايعاق, جاڭبىر, جولدىڭ كورىنبەۋى) وبلىستىق ماڭىزى بار «قوشقار اتا-جارىقباس-بىرلىك» جولىنىڭ 77-144 شاقىرىمى ارالىعىندا بارلىق كولىك تۇرلەرى ءۇشىن قوزعالىس توقتاتىلعان.  سونداي-اق «قازاۆتوجولدىڭ» مəلىمەتىنشە, الماتى وبلىسىندا ءۇشارال-دوستىق باعىتىنداعى جولدىڭ 83-184 شاقىرىمى ارالىعىندا كولىك قوزعالىسى توقتاتىلعان. ايماقتا اۋا رايى توسىن مىنەز كورسەتۋدە. قاتتى بوراننىڭ اسەرىنەن كولىكپەن قاتىناۋ مۇمكىن ەمەس.