قازاقستان بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە وڭىرلىك جانە حالىقارالىق قاۋىپسىزدىككە قاتىستى ماسەلەلەردى شەشۋگە كۇش سالادى. بۇل تۋرالى بۇگىن ەلوردادا سيرياداعى جاعدايدى رەتتەۋ جونىندەگى استانا پروتسەسىنىڭ جالپى وتىرىسىن اشقان سىرتقى ىستەر ءمينيسترىنىڭ ورىنباسارى اقىلبەك كامالدينوۆ مالىمدەدى, دەپ حابارلايدى قازاقپارات
«مەملەكەت باسشىسىنىڭ بىتىمگەرشىلىك باستامالارى, سونىمەن قاتار بۇكىل الەمدەگى ەلدەر اراسىنداعى جانجالداردى شەشۋ مەن شيەلەنىستەردى قىسقارتۋداعى ۇلەسى حالىقارالىق دەڭگەيدە مويىندالعان. قازاقستان بۇگىنگى شارانىڭ بارىنشا جەمىستى بولارىنا شىنايى ءۇمىت ارتادى. ءبىز پروگرەسس بولاتىندىعىنا جانە سوعىستى توقتاتۋ رەجىمىنىڭ جۇزەگە اسىرىلاتىندىعىنا ۇمىتتەنەمىز», – دەدى ا.كامالدينوۆ.
سونداي-اق ول قازاقستان 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە وڭىرلىك جانە حالىقارالىق قاۋىپسىزدىككە قاتىستى ماسەلەلەردى شەشۋگە بار كۇشىن جۇمسايتىندىعىن باسا ايتتى.
«بۇل تۇرعىدا ءبىز سيريا بويىنشا ماسەلەلەردى رەتتەۋگە دە ءوز ۇلەسىمىزدى قوسۋعا دايىنبىز», – دەدى ۆيتسە-مينيستر.