قر دەنساۋلىق ساقتاۋ مينيسترلىگى 2017 جىلى كەپىلدەندىرىلگەن تەگىن مەديتسينالىق كومەككە ەنگىزىلمەي قالعان كەي قىزمەت تۇرلەرىنىڭ باعاسىن رەتتەۋگە باعىتتالعان زاڭ جوباسىن دايىندايدى, دەپ جازادى Tengrinews.kz.
دەنساۋلىق ساقتاۋ ءمينيسترى ەلجان ءبىرتانوۆتىڭ پىكىرىنشە, اتالعان قىزمەتتەردىڭ ىشىنە ءتىس دارىگەرىنىڭ قىزمەتى دە ەنگىزىلمەك. مينيستر بۇنداي قادامنىڭ مەديتسينالىق قىزمەتتەردى ارزانداتۋ ماقساتىندا قولعا الىنىپ وتىرعانىن ايتتى.
«مەملەكەت باسشىسى بىزگە كەپىلدەندىرىلگەن تەگىن مەديتسينالىق كومەككە كىرمەيتىن قىزمەتتەردىڭ باعاسىن رەتتەۋ تۋرالى ءنورماتيۆتى بازا دايىنداۋدى تاپسىردى. ونداعى ماقسات مەديتسينالىق بۇيىمدار مەن قىزمەتتەردىڭ قولجەتىمدىلىگىن ارتتىرۋ. ءبىز ەندى وسى ماسەلەنى بيزنەس وكىلدەرىمەن تالقىلاۋىمىز كەرەك", - دەدى مينيستر.
ونىڭ ايتۋىنشا, دارىگەرلەردىڭ جەكە كاسىپكەرلىكپەن اينالىسۋىنا دا رۇقسات بەرىلمەك.
«وتكەن جىلى ءبىز مۇنداي تاجىريبەنى باستاپ قويدىق. باستامانىڭ اياسىندا دارىگەرلەر زاڭدى تۇلعا رەتىندە تىركەلىپ, ەمحانا قىزمەتىن اتقارا بەرەدى. مۇمكىن, ۋاقىت وتە كەلە ولاردى جەكە كاسىپكەر رەتىندە تىركەيتىن بولامىز. ولارعا شامامەن 2000 ادامنان بەكىتىلىپ بەرىلەدى. كىسى باسىنا 1024 تەڭگەدەن تولەنەدى. بۇل ءوز كەزەگىندە ەمحانالارداعى كەزەكتىڭ سانىن ازايتۋعا دا تۇرتكى بولار ەدى", - دەدى مينيستر.