قاراعاندىدا بۇگىندە جابىق تۇرعان دولينسك شاحتاسىنىڭ كەن ورنىندا كومىر وندىرىلەتىن بولادى, دەپ حابارلايدى abctv.kz.
اتالمىش كەن ورنىنان ءبىر جىلدا 1 ميلليون 150 مىڭ توننا كومىر ءوندىرۋ جوسپارلانۋدا. 1996 جىلى دولينسك شاحتاسى «ارسەلورميتتال» كومپانياسىنىڭ جاڭا باسشىسى لاكشمي ميتتالعا ساتىلعان سەگىز شاحتانىڭ قاتارىنا كىرمەي قالعان ەدى. بۇل كەن ورنى قاراعاندى كومىر باسسەينىندەگى ۇلكەن قىرتىستى كومىردى وڭدەمەيتىن جالعىز شاحتا, سوندىقتان سۇرانىسقا يە بولمادى. كومىر تەك جۇقا قىرتىستان ءوندىرىلدى. سالدارىنان بۇل شاحتانىڭ كوپتەگەن يەلەرى ءوندىرىستى ساقتاپ قالا المادى. قازىرگى تاڭدا كەن ورنى جۇمىس جاساپ تۇرعان جوق.
«دولينسك شاحتاسىنداعى كەن ورنىنان كومىر ءوندىرۋ بويىنشا ينۆەستيتسيالىق جوبانى بىرىگىپ جۇزەگە اسىرۋعا كونكۋرس جاريالاندى», - دەپ حابارلادى جوبا باستاماشىسى بولىپ وتىرعان «سارىارقا» الەۋمەتتىك-كاسىپكەرلىك كورپوراتسياسى» ۇلتتىق كومپانياسى» اق.
گەولوگيالىق بارلاۋ جۇمىستارى كورسەتكەندەي, بۇل جەردە 19 ميلليون 61 مىڭ توننالىق قور بار. جىل سايىن 1 ميلليون 150 مىڭ توننا كومىر ءوندىرۋ جوسپارلانۋدا. جوبا اۆتورى كومىردىڭ بارلىق قورىن ءوندىرۋدى 2035 جىلعا قاراي اياقتاۋدى كوزدەپ وتىر. كومىردى ەل ىشىندە ساتۋ جوسپارلانۋدا. 900 كەنشى تۇراقتى جۇمىسپەن قامتاماسىز ەتىلەدى.