بۇگىن الماتى وبلىسىنىڭ اكىمى اماندىق باتالوۆ ءوڭىر اكتيۆىنە قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن وبلىس اكىمىنىڭ ورىنباسارى بولىپ جاڭادان تاعايىندالعان بايجانوۆ ايداربەك ەستەبەك ۇلىن تانىستىردى.
ايداربەك ەستەبەك ۇلى 1964 جىلى دۇنيەگە كەلگەن.
1991 جىلى الماتى حالىقشارۋاشىلىعى ينستيتۋتىن ەكونوميست ماماندىعى بويىنشا, ال 2005 جىلى قازاقستان-رەسەي ۋنيۆەرسيتەتىن زاڭگەر ماماندىعى بويىنشا بىتىرگەن.
ەڭبەك جولىن 1981 جىلى جامبىل وبلىسى مويىنقۇم اۋدانىنىڭ سپورت مەكتەبىندە جاتتىقتىرۋشى مۇعالىم بولىپ باستاعان. ءار جىلدارى «اقجايىق», «جامبىل بىلعارى اياقكيىم» بىرلەستىكتەرىنىڭ ديرەكتورى, جامبىل وبلىسى اكىمى اپپاراتىندا ءىس باسقارۋشىنىڭ ورىنباسارى, باس ينسپەكتور, قر اۋىل شارۋاشىلىعى مينيسترلىگىندە قازىنالىق كاسىپورىن ديرەكتورى, الماتى وبلىسى اكىمى اپپاراتىنىڭ قارجى-شارۋاشىلىق ءبولىمىنىڭ مەڭگەرۋشىسى, قازاقستان رەسپۋبليكاسى پرەزيدەنتى ءىس باسقارماسىنىڭ باس ينسپەكتورى, «مەملەكەتتىك رەزيدەنتسيالار ديرەكتسياسى» ديرەكتورىنىڭ ورىنباسارى, ديرەكتورى, «استانا ءونىم» اكتسيونەرلىك قوعامىنىڭ ديرەكتورى, استانا قالاسىندا «قازاقتەلەكوم» اكتسيونەرلىك قوعامىنىڭ ديرەكتورى, «قازترانسگاز ايماق» اكتسيونەرلىك قوعامىنىڭ باسقارۋشى ديرەكتورى بولىپ قىزمەت اتقارعان.
2016 جىلدىڭ اقپانىنان - «قازترانسگاز ايماق» اق باس ديرەكتورىنىڭ ورىنباسارى.
ەستەرىڭىزگە سالا كەتەيىن, بۇعان دەيىن وبلىس اكىمىنىڭ ورىنباسارى بولعان ءابدىرايىموۆ عالىمجان رايىل ۇلى جامبىل وبلىسىنا وبلىس اكىمىنىڭ ورىنباسارى بولىپ تاعايىندالعان ەدى.