وتكەن جۇما كۇنى دۋشانبە قالاسىندا رەسەي-تاجىكستان ۋنيۆەرسيتەتىنىڭ پروفەسسورى ءابدۋساتتور نۋراليەۆتىڭ تاجىكستان رەسپۋبليكاسىنداعى قازاقستان رەسپۋبليكاسى ەلشىلىگىنىڭ قولداۋىمەن شىققان «كازاحي تادجيكيستانا» كىتابىنىڭ تۇساۋكەسەرى بولىپ ءوتتى.
يگى شاراعا قازاقستاننىڭ تاجىكستانداعى ەلشىسى ن.سەيتىموۆ, رەسەي-تاجىكستان ۋنيۆەرسيتەتىنىڭ رەكتورى ۋ.مانسۋروۆ, تاجىكستان پرەزيدەنتى اكىمشىلىگى جانە تاجىكستان ۇكىمەتىنىڭ, زيالى قاۋىم جانە بۇقارالىق اقپارات قۇرالدارىنىڭ وكىلدەرى قاتىستى.
تۇساۋكەسەر ساتىندە نۇرلان سەيتىموۆ اتالعان وقيعانىڭ ەكى مەملەكەت حالىقتارى اراسىنداعى مادەني بايلانىستاردى نىعايتۋدا ەرەكشە ماڭىزعا يە ەكەندىگىن اتاپ كورسەتتى.
كىتاپتا تاجىكستانداعى قازاقتاردىڭ قونىس اۋدارۋ تاريحى (1730-1840) ناقتىلانىپ, ولاردىڭ مادەنيەتى, ەتنوگرافياسى جانە تاجىك حالقىمەن رۋحاني قۇندىلىقتار سالاسىنداعى بايلانىستارى ءجونىندە جان-جاقتى زەرتتەلىپ, جازىلعان. ەڭبەك اتاجۇرتتان تىسقارى جاقتا ءومىر ءسۇرىپ جاتقان قازاق دياسپوراسىنىڭ تاريحىمەن شۇعىلداناتىندارعا, ۇلت تاريحىنا قىزىعۋشىلىق تانىتاتىندارعا ارنالعان.