شالعايداعى اۋداندا ءوز جۇمىسىنا قايتا كىرىستى
مامانداندىرىلعان اۋدانارالىق ەكونوميكالىق سوتتىڭ شەشىمىمەن ع.مۇسىرەپوۆ اتىنداعى اۋداننىڭ ورتالىعىندا ورنالاسقان ۋاقىتشا ۇستاۋ وقشاۋلاعىشى حالىقارالىق تالاپتارعا ساي كەلمەگەندىكتەن جابىلعان بولاتىن. ونىڭ قىزمەتكەرلەرى ۇستالعان ازاماتتاردى ءبىرجارىم جىل بويى باسقا اۋداندارعا جەتكىزىپ, بىرقاتار قيىندىقتار تۋىنداعان.
ەندى بۇل ماسەلە تۇپكىلىكتى شەشىمىن تاپتى. ۋاقىتشا ۇستاۋ وقشاۋلاعىشتارى بىلتىر تيميريازەۆ, تايىنشا اۋداندارىندا اشىلسا, ەندى ون ەكىنشى مەكەمە نوۆويشيم كەنتىندە جاڭارتىلىپ, پايدالانۋعا بەرىلدى. عيماراتتا 12 كەرەۋەتكە شاقتالعان ءۇش كامەرا, مەديتسينا كابينەتى, تەرگەۋ بولمەسى, سانيتارلىق وتكىزۋ بەكەتى, سەرۋەندەۋ اۋلاسى جۇمىس ىستەيدى.
اۋداندىق ىشكى ىستەر ءبولىمىنىڭ باسشىسى ايدوس ەدىرەسوۆتىڭ ايتۋىنشا, جەرگىلىكتى بيلىكتىڭ قولداۋىمەن مەكەمە قىسقا مەرزىمدە قالپىنا كەلتىرىلىپ, بارلىق نورماتيۆتىك اكتىلەرگە سايكەستەندىرىلگەن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى