وڭتۇستىك قازاقستان وبلىسىنىڭ 5 سپورتشىسى الماتى قالاسىندا وتەتىن XXVIII بۇكىلالەمدىك قىسقى ۋنيۆەرسياداعا ساقاداي ساي. بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە وبلىس اكىمىنىڭ ورىنباسارى ۇلاسبەك سادىبەكوۆ ءمالىم ەتتى, دەپ حابارلادى قازاقپارات.
ونىڭ ايتۋىنشا, اتالعان جارىسقا وبلىستان فريستايل سپورت ءتۇرى بويىنشا بەس سپورتشى قاتىسادى. ولار, الدابەرگەنوۆا جانبوتا مەن اراپباەۆا جىبەك, قالمۇرزاەۆا اقمارجان, ىڭكاربەك باعلان, مۇحامەدجانوۆ دارحان. بۇگىندە ولار سپورتتىق دودادا ناتيجەلى ونەر كورسەتۋ ءۇشىن جوعارعى دەڭگەيدە ءتيىستى وقۋ-جاتتىعۋ جۇمىستارىن جۇرگىزۋدە.
«بىزگە بىرەگەي مۇمكىندىكتىڭ كۋاگەرى بولۋ عانا ەمەس, ەڭ اۋقىمدى حالىقارالىق سپورت وقيعالارىنىڭ ءبىرى – بۇكىلالەمدىك قىسقى ۋنيۆەرسياداسىنىڭ بەلسەندى قاتىسۋشىلارى بولۋ باقىتى بەرىلدى. الاۋ ەستافەتاسى – بۇل ۋنيۆەرسيادانىڭ جارشىسى جانە ونى العا جىلجىتۋدىڭ نەگىزگى قۇرالى, ءىرى سپورتتىق فورۋمداردىڭ اجىراماس اتريبۋتى», – دەدى ۇ.سادىبەكوۆ.
وڭتۇستىك قازاقستان وبلىسىندا الاۋ ەستافەتاسىن ۇيىمداستىرۋ بويىنشا ارنايى وڭىرلىك شتاب قۇرىلىپ, ءتيىستى جۇمىستار جۇرگىزىلدى. الاۋگەرلەر قۇرامى نەگىزىنەن وبلىستاعى 12 جوعارى وقۋ ورىنىنىڭ ستۋدەنتتەرى, ماگيسترانتتارى مەن وقۋ ۇزدىكتەرىنەن جاساقتالعان. سونداي-اق, الاۋگەرلەر قاتارىندا الماتى قالاسىندا وتەتىن قىسقى ۋنيۆەرسيادانىڭ سەرىكتەستەرى «سامۇرىق-قازىنا» اكتسيونەرلىك قوعامىنىڭ, «تەحنودوم» ساۋدا ءۇيىنىڭ, ۆيراج اۆتوسالونىنىڭ وكىلدەرى قاتىساتىن بولادى.