الماتى وبلىسىندا بوراندى كۇنى جولعا شىعىپ, قالىڭ قاردىڭ قۇرساۋىندا قالعان 121 ادام ەۆاكۋاتسيالاندى. بۇل تۋرالى 24.kz حابارلادى.
وبلىستىق توتەنشە جاعدايلار دەپارتامەنتىنىڭ قىزمەتكەرلەرى «التىن ەمەل» اسۋىندا قارعا باتىپ قالعان ەكى جولاۋشىلار اۆتوبۋسى مەن 7 جەڭىل كولىكتى امان الىپ شىقتى. وقيعا بولعان جەرگە ارنايى قۇتقارۋ جاساعى دەرەۋ جەتىپ, قار قۇرساۋىندا قالعاندارعا كومەك بەرمەگەندە ءىستىڭ ناسىرعا شابۋى ابدەن مۇمكىن ەدى. سەبەبى, كۇندىز كۇن جىلى بولعانىمەن, ءتۇن مەزگىلىندە تەرمومەتر باعانى -20 گرادۋسقا دەيىنگى سۋىقتىقتى كورسەتىپ تۇر.
«سارىوزەك-كوكتال» تاسجولىنىڭ بويىندا توتەنشە جاعدايعا تاپ بولعان جولاۋشىلاردى قۇتقارۋ بىرنەشە ساعاتقا سوزىلدى. «بۇل وقيعادان ادامداردىڭ دەنساۋلىعىنا ەشقانداي دا نۇقسان كەلگەن جوق. جولدا قالعان جولاۋشىلاردىڭ بارلىعى ءدىن امان», – دەيدى توتەنشەلىكتەر.