الماتى وبلىسىندا بىلتىر شاعىن جانە ورتا بيزنەسكە 57,84 ملرد تەڭگە ينۆەستيتسيا قۇيىلىپ, 1056 جاڭا جۇمىس ورنى اشىلدى, دەپ حابارلايدى قازاقپارات.
وڭىرلىك «دامۋ» قورىنىڭ مالىمەتتەرىنە قاراعاندا, جالپى الماتى وبلىسىندا 2016 جىلى قارجىلاي قولداۋ باعدارلامالارى ارقىلى 1 208 نەسيە الۋشىعا 57,84 ملرد تەڭگە بەرىلگەن. وسىنداي قولداۋدىڭ ناتيجەسىندە «بيزنەستىڭ جول كارتاسى 2020» باعدارلاماسىنا قاتىسۋشىلاردىڭ بىلتىرعى تولەگەن سالىعى 9,6 ملرد تەڭگەگە جەتتى.
2016 جىلى بىرىڭعاي باعدارلاما اياسىندا كاسىپكەرلەردىڭ 152 جوباسى سۋبسيديالاۋ ءۇشىن ماقۇلداندى. ونداعى نەسيەلەردىڭ جالپى سوماسى 39,04 ملرد تەڭگە. بۇل 2015 جىلعى كورسەتكىشكە قاراعاندا 31%- عا ارتىق. سۋبسيدياعا يە بولعانداردىڭ جالپى سانىنىڭ 73% – اۋىل كاسىپكەرلەرى.
سونىمەن قاتار, «دامۋ» قورىنىڭ ايماقتىق فيليالى وتكەن جىلى كەپىلدەندىرۋدىڭ 80 جوباسىن بەكىتىپ, ول 1,26 ملرد تەڭگەنى قۇراعان. بۇل كورسەتكىش 2015 جىلعا قاراعاندا 8%-عا ارتىق. ال ەكىنشى دەڭگەيلى بانكتەردىڭ «دامۋ» قورىنىڭ كەپىلدىگىمەن بەرىلگەن نەسيە سوماسى 2,87 ملرد تەڭگە.