استانالىق زەينەتكەرلەر ءۇشىن تەگىن قىزمەتتەر كولەمى ارتتى

ەلوردانىڭ جۇمىسپەن قامتۋ جانە الەۋمەتتىك باعدارلامالار باسقارماسىنىڭ مالىمەتتەرىنە سايكەس, 2017-2019 جىلدارعا ارنالعان بيۋدجەتتە 2017 جىلدىڭ 1 قاڭتارىنان باستاپ جيىنتىق زەينەتاقى كولەمى 9%-عا ءوستى, ال 2017 جىلدىڭ 1 شىلدەسىنەن باستاپ مەملەكەت باسشىسىنىڭ تاپسىرماسىن ورىنداۋ ماقساتىندا جيىنتىق زەينەتاقى تاعى 11%-عا ۇلعايادى, دەپ حابارلايدى استانا قالاسى اكىمدىگىنىڭ ءباسپاسوز قىزمەتى. اتاپ ايتاتىن بولساق, 2016 جىلى جيىنتىق زەينەتاقىنىڭ كولەمى 40 000 تەڭگە بولسا, 2017 جىلدىڭ 1 قاڭتارىنان باستاپ 9%-عا ءوسۋدىڭ ارقاسىندا 43 600 تەڭگەنى قۇرايدى, ال 2017 جىلدىڭ 1 شىلدەسىنەن باستاپ تاعى 11%-عا ۇلعاياتىنىن ەسكەرسەك, 48 396 تەڭگەگە جەتەدى. وسىلايشا, جيىنتىق زەينەتاقى مولشەرى 2016 جىلمەن سالىستىرعاندا 20%-عا ارتادى. سونىمەن بىرگە, بازالىق زەينەتاقى مولشەرى دە ۇلعايدى: 2017 جىلدىڭ 1 قاڭتارىنان باستاپ - 7%-عا, 2017 جىلدىڭ 1 شىلدەسىنەن باستاپ تاعى 13%-عا وسەدى. ەگەر 2016 جىلى بازالىق زەينەتاقى كولەمى 11 965 تەڭگە بولسا, 2017 جىلدىڭ 1 قاڭتارىنان باستاپ 7%-دىق وسىممەن ونىڭ كولەمى 12 802 تەڭگەنى قۇرايدى, ال 2017 جىلدىڭ 1 شىلدەسىنەن باستاپ 13%-عا ارتىپ, 14 466 تەڭگەگە جەتكىزىلەدى. وسىلايشا, بازالىق زەينەتاقى مولشەرى 2016 جىلمەن سالىستىرعاندا 20%-عا ارتادى. تولەمدەردى «استانا قالاسىنىڭ ازاماتتارعا ارنالعان ۇكىمەت مەملەكەتتىك كورپوراتسياسى» ۇاق فيليالىنىڭ مزتو دەپارتامەنتى رەسپۋبليكالىق بيۋدجەتتەن جۇرگىزەدى: زەينەتاقىنىڭ ەڭ تومەنگى مولشەرى - 40 950 تەڭگە, زەينەتاقىنىڭ ورتاشا كولەمى - 68 855 تەڭگە, زەينەتاقىنىڭ ەڭ جوعارعى مولشەرى 82 574 تەڭگە, وسى رەتتە ايلىق ەسەپتىك كورسەتكىش 2 269 تەڭگەگە تەڭ ەكەنىن اتاپ كورسەتۋ كەرەك.