"الماتى-2" ۆوكزالى ماڭىندا اقىلى اۆتوتۇراق ىسكە قوسىلدى. بۇل تۋرالى "الماتى ارنايى پاركينگ قىزمەتى" جشس ءباسپاسوز قىزمەتى حابارلادى.
"ول جەردە ءبارى رەتتەلدى. ادامدار ىڭعايلى ورىنعا توقتاي بەرسە بولادى. قوعامدىق كولىك ايالداماسىندا ەندى تۇرا المايدى. ءبىز تۇراقتاۋعا بولمايتىن جەردى دە سىزىپ كورسەتتىك. ەندى كەپتەلىس بولماۋىن قاداعالايمىز. قوعامدىق كولىككە ارنالعان بولىكتەر بار, ول اقىلى اۆتوتۇراق اۋماعىنا كىرمەيدى", - دەيدى كومپانيا وكىلدەرى.
322 ورىنعا ارنالعان جاڭا اقىلى اۆتوتۇراق رايىمبەك داڭعىلىنان تۋزوۆ كوشەسىنە دەيىن ابىلايحان داڭعىلىنىڭ بويىمەن, ارى قاراي تۋزوۆ كوشەسىنەن تەمىرجول ۆوكزالىنا دەيىنگى اۋماقتى الىپ جاتىر. جەلتوقسان كوشەسىنە دەيىنگى ۆوكزال ماڭىنداعى جەر دە اۆتوتۇراققا كىرىگىپ, ول جەرگە ءتورت پاركومات ورناتىلعان.
اۆتوتۇراق ءۇشىن پاركوماتپەن قاتار, SMS حابارلاما (Beeline جانە Activ), "الماتى اۆتوتۇراقتارى" ارنايى قوسىمشاسى جانە Qiwi تەرمينالدارى ارقىلى تولەم جاساۋعا بولادى.