2016 جىلدىڭ قاڭتار-قىركۇيەك ارالىعىنداعى قىتايدان كەلگەن تىكەلەي ينۆەستيتسيا اعىنى 623,9 ملن. دوللاردى قۇرادى. بۇل 2015 جىلدىڭ سايكەس كەزەڭىمەن سالىستىرعاندا 7 ەسەگە كوپ, دەپ جازادى finprom.kz.
الايدا كەرى باعىتتاعى ساۋدا بەلسەندىلىگى قۇلدىراۋ ۇستىندە. قازاقستاننان قىتايعا جالپى ينۆەستيتسيا اعىنىنىڭ كولەمى ءبىر جىلدىڭ ىشىندە 3 پايىزعا كەمىپ, 2016 جىلدىڭ قاڭتار-قىركۇيەگىندە 41,1 ملن. دوللاردى قۇراعان. قازاقستاننىڭ قىتايعا جالپى سىرتقى قارىزى 12,3 ملرد. دوللار (2016 جىلدىڭ قىركۇيەك ايىنىڭ سوڭى) دەڭگەيىندە قالىپتاسىپ وتىر. ونىڭ نەگىزگى بولىگى بانكتىك ەمەس قارجىلىق ۇيىمدار مەن قارجىلىق ەمەس ۇيىمدارعا, ءۇي شارۋاشىلىعى مەن كوممەرتسيالىق ەمەس ۇيىمدارعا تيەسىلى.
قىتاي قازاقستاننىڭ باستى 4 ساۋدا سەرىكتەستەرىنىڭ ءبىرى. 2015 جىلدىڭ سوڭىندا ەكى ەلدىڭ اراسىندا كولىك ينفراقۇرىلىمى, ساۋدا, قايتا وڭدەۋ ونەركاسى, قۇرىلىس, اۋىل شارۋاشىلىعى جانە باسقا دا سالالارداعى ىنتىماقتاستىقتىڭ كلاستەرلىك ايماقتارىن قۇرۋ بويىنشا 5 كەلىسىمگە قول قويىلعان. قازاقستان بۇل ەلگە ازىق-ت ۇلىكتى ارزانعا ساتا باستادى. 2016 جىلدىڭ قاڭتار-قاراشاسىندا قىتايعا جەتكىزىلگەن ازىق-ت ۇلىك ونىمدەرى ەكسپورتىنىڭ كولەمى 115,5 ملن. دوللاردى قۇرادى. بۇل 2015 جىلدىڭ سايكەس كەزەڭىندەگى كورسەتكىشتەن 28 پايىزعا كەم.