پولشا اۋەكومپانياسى ۆارشاۆا – استانا – ۆارشاۆا باعىتى بويىنشا اپتاسىنا 4 رەت تۇراقتى اۋە رەيسىن ورىنداۋدى جوسپارلاپ وتىر, دەپ جازادى primeminister.kz.
«حالىقارالىق ازاماتتىق اۆياتسيا ۇيىمىنىڭ (يكاو) اۋە بايلانىسى جونىندە كەلىسسوزدەر جۇرگىزۋ بويىنشا وتكەن (ICAN 2016) جىل سايىنعى 9-كونفەرەنتسياسى اياسىندا قر يدم ازاماتتىق اۆياتسيا كوميتەتىنىڭ دەلەگاتسياسى پولشانىڭ اۆياتسيا بيلىگىمەن كەلىسسوزدەر جۇرگىزدى», - دەلىنگەن حابارلامادا.
كەلىسسوزدەر ناتيجەسىندە ەكى تاراپتىڭ بەلگىلەگەن اۋەكومپانيالارىنىڭ استانا, الماتى جانە ۆارشاۆا قالالارى اراسىندا تۇراقتى اۋە رەيستەرىن ورىنداۋىنا مۇمكىندىك بەرەتىن ءوزارا تۇسىنىستىك تۋرالى مەموراندۋمعا قول قويىلدى.
اتقارىلعان جۇمىستاردىڭ ناتيجەسىندە, حالىقارالىق مامانداندىرىلعان EXPO-2017 كورمەسى قارساڭىندا تاعايىندالعان پولشانىڭ LOT Polish Airlines اۋەكومپانياسى 2017 جىلدىڭ مامىرىنان ۆارشاۆا – استانا – ۆارشاۆا باعىتى بويىنشا اپتاسىنا 4 رەت تۇراقتى اۋە رەيسىن ورىنداۋدى جوسپارلاپ وتىر.