قازاقستاننىڭ 6 وبلىسىندا جاسىل تەحنولوگيالار ورتالىعى اشىلدى, دەدى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا «جاسىل ەكونوميكانى قولداۋ مەن G-Global-دى دامىتۋ كواليتسياسى» زتب باسقارما ءتورايىمى سالتانات راقىمبەكوۆا.
«2016 جىلدىڭ ۇلكەن جەتىستىكتەرىنىڭ ءبىرى قاراعاندى, قوستاناي, الماتى, جامبىل, پاۆلودار, سولتۇستىك قازاقستان وبلىستارىندا جاسىل تەحنولوگيالار ورتالىقتارىنىڭ اشىلۋى بولدى», - دەدى ول.
2017 جىلى كواليتسيا اقمولا وبلىسى ارشالى اۋدانىنىڭ اۋىلدارىندا اۋىل كووپەراتيۆتەرىن قۇرۋعا كىرىسىپ كەتتى.
ەكسپو-2017 قوناقتارى مەن تۋريستەردىڭ تاماشالاۋىنا ارنالعان وزگە دە وبەكتىلەر. بۇلار – قازاقستاننىڭ العاشقى جاسىل اۋىلى – ارناساي, «EXPO Camp» جاستاردىڭ «جاسىل» لاگەرى, ارناسايداعى قوناقتارعا ارنالعان ەكو-ۇيلەر, «سارىجايلاۋ» جاسىل ەكو-ەتنواۋىلى, قوقىس وڭدەي وتىرىپ, گاز, جىلۋ, ەلەكتر ەنەرگياسىن جانە تىڭايتقىش الاتىن قازاقستانداعى العاشقى اۋىلداعى زاۋىت.
ونلاين-ەكسپو-2017 كونكۋرسى مەن ەكولوگيالىق تاتۋ بيزنەس كونكۋرسىنىڭ ناتيجەلەرى بويىنشا كواليتسيا ارىپتەستەرىمەن بىرلەسىپ وتاندىق ۇزدىك «جاسىل» تەحنولوگيالار مەن يننوۆاتسيالاردى ىرىكتەپ الادى, بيزنەستى ونەرتابىستارىن «ارناساي» جتو-عا ورناتۋعا, ونىڭ ىشىندە ەكسپو -2017 حالىقارالىق كورمەسىنە كەلۋشىلەرگە تانىستىرۋعا شاقىرادى.
كواليتسيا ارىپتەستەرىمەن بىرلەسىپ «سارىجايلاۋ» ەكو-ەتنواۋىلىن قۇرۋ جوباسىن ازىرلەدى. وندا اشىق اسپان استىندا قازاقستاندىق يننوۆاتورلار مەن ونەرتاپقىشتاردىڭ, «Online EXPO-2017» كونكۋرسى لاۋرەاتتارىنىڭ ەكسپوناتتارىن ورنالاستىرۋ جوسپارلانىپ وتىر.
تاعى ءبىر جارقىن جوبا ارناسايداعى «EXPO Camp» جاستاردىڭ «جاسىل» لاگەرى بولىپ تابىلادى. لاگەر قۇرۋدىڭ ماقساتى – ەلدەردىڭ بالالارى مەن جاستارى اراسىندا حالىقارالىق, ەكولوگيالىق, ەتنوگرافيالىق, پراكتيكالىق جانە زياتكەرلىك دەمالىس پەن تاجىريبە الماسۋدى دامىتۋ, سالاۋاتتى ءومىر سالتىن ناسيحاتتاۋ, قورشاعان ورتانى قورعاۋ, «جاسىل» تەحنولوگيالاردى پايدالانۋ.