قر كونستيتۋتسياسىنا ەنگىزىلەتىن وزگەرىستەردىڭ بۇكىلحالىقتىق تالقىلاۋ مەرزىمى اتالدى, - دەپ حابارلايدى اقوردانىڭ ءباسپاسوز قىزمەتى.
"قازاقستان رەسپۋبليكاسى كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنىڭ جوباسى (بۇدان ءارى - زاڭ جوباسى) بۇكىلحالىقتىق تالقىلاۋعا شىعارىلسىن, ول 2017 جىلعى 26 قاڭتار - 2017 جىلعى 26 اقپان ارالىعىندا وتكىزىلسىن. زاڭ جوباسى بۇقارالىق اقپارات قۇرالدارىندا جاريالانسىن", - دەلىنگەن حابارلامادا.
مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى جۇمىس توبى بۇكىلحالىقتىق تالقىلاۋ بارىسىندا ايتىلعان ۇسىنىستاردى تالداۋدى جانە جيناقتاپ قورىتۋدى, وسى ۇسىنىستاردى ەسكەرە وتىرىپ, زاڭ جوباسىن پىسىقتاۋدى جانە ونى قازاقستان رەسپۋبليكاسى پرەزيدەنتىنىڭ قاراۋىنا ەنگىزۋدى قامتاماسىز ەتۋ تاپسىرىلدى.