ەل گازەتىنىڭ قۇندىلىعى ارتا ءتۇستى

قۇرمەتتىنىڭ رەداكتسياسى! ارمىسىزدار؟ 2017 جىلدان جاڭا فورماتتا جارىق كورە باستاعان باسىلىمنىڭ وقۋعا ىقشامدى بولىپ شىققانىنا, كوركەمدەلۋ ء(تۇرلى-تۇستىلىگى بار) ەرەكشەلىگىنە, قۇندىلىعىن قۋات­تاندىرا تۇسكەنىنە قۋانىپ وتىرعانىمدى جەتكىزگىم كەلەدى. ءوزىم گازەتتىڭ «رۋحانيات», «ءتالىم», «زەردە» دەپ اتالاتىن  بەتتەرىنە كوبىرەك ۇڭىلەمىن. كوپ نارسە تابامىن, ونى ادەبيەت ءپانىنىڭ مۇعالىمى بولعاندىقتان ۇرپاق تاربيەسىنە پايدالاناتىن كەزىم از ەمەس. جوعارى سىنىپتارعا ساباق بەرەمىن. بالا­لاردى باسپاسوزبەن بايلانىس­تا ۇستاۋ ءۇشىن ساباق سايىن گا­زەتتەگى ماقالالاردى وقىتىپ, تالداتامىن. قوعامدا بولىپ جات­قان وزگەرىستەر, جۋرناليست جازبالارىنداعى كوتەرىلگەن ءما­سەلەلەر تۋرالى وقۋشىلاردىڭ پىكىرلەرىن ءبىلىپ وتىرامىن. ءۇي تاپسىرماسىنا دا قوسىمشا باسپاسوزدەن ءبىر ماقالا وقىپ كەلۋلەرىن قاداعالايمىن. بالالاردى «سەندەر كىتاپ وقىمايسىڭدار, گازەتكە قارا­مايسىڭدار» دەپ تىلدەي بەرۋ­دىڭ قاجەتى جوق دەپ ويلايمىن. اركەز ءوزىڭىزدىڭ وقىعان ءدۇ­نيەڭىزدەن مىسال كەلتىرە وتىرىپ, ساباعىڭىزدى تارتىمدى وتە الساڭىز وقۋعا قىزىقپايتىن بالا جوق. ماسەلە, ولاردىڭ جۇرەگىنە جول تابا بىلۋدە. ماعان وسى رەتتە باسقا دا باسىلىمدارمەن بىرگە «ەگەمەن» ءاردايىم كومەككە كەلەدى. باسىلىمعا ودان رۋحاني ازىق الۋ ءۇشىن جازىلاسىڭ عوي, وسى تۇرعىدان العاندا ەل گازەتىنە جازىلۋ ارقىلى  ونى ءوزىم عانا رۋحاني قاجەتىمە پايدالانىپ قويماي, بولاشاق ۇرپاقتىڭ رۋحاني ىرگەتاسىن قالاپ جاتىرمىن دەپ ايتۋىما بولادى. سول ءۇشىن رە­داك­تسيا ۇجىمىنا العىس ايتامىن. زەبەركۇل شارداربەكوۆا, ۇستاز  جامبىل وبلىسى, تالاس اۋدانى