وتكەن جىلى قىزىلوردا وبلىسى بويىنشا مەملەكەتتىك كىرىستەر دەپارتامەنىتىنىڭ وكىلدەرى تاراپىنان جۇرگىزىلگەن جۇمىستاردىڭ ناتيجەسىندە مەملەكەت بيۋدجەتىنە 89 ملرد 630 ملن تەڭگە سالىقتار مەن تولەمدەردىڭ ءتۇسىمى قامتاماسىز ەتىلىپ, جوسپار 107 پايىزعا ورىندالدى. بۇل تۋرالى قىزىلوردا وبلىسىنىڭ وڭىرلىك كوممۋنيكاتسيالار قىزمەتىندە وتكەن بريفينگتە قىزىلوردا وبلىسى بويىنشا مەملەكەتتىك كىرىستەر دەپارتامەنىتىنىڭ باسشىسى سەرىك مۇستافاەۆ مالىمدەدى, دەپ حابارلادى قازاقپارات.
ونىڭ ايتۋىنشا, بۇل كورسەتكىش 2015 جىلمەن سالىستىرعاندا 13 ملرد تەڭگەگە نەمەسە 17,3 پايىزعا ارتىق. ونىڭ ىشىندە, رەسپۋبليكالىق بيۋدجەتتىڭ ورىندالۋى 110,4% جانە جەرگىلىكتى بيۋدجەتتىڭ ورىندالۋى 103,4%. 2015 جىلعا قاراعاندا ءوسىم كولەمى رەسپۋبليكالىق بيۋدجەتكە 25 پايىز (9 ملرد 748 ملن), جەرگىلىكتى بيۋدجەتكە 8 پايىز (3 ملرد 449 ملن) كولەمىندە.
دەپارتامەنت باسشىسىنىڭ ايتۋىنشا, بيۋدجەتتىڭ كىرىس بولىگىن قامتاماسىز ەتۋدەگى باسىم باعىت – باسقا مەملەكەتتىك جانە باقىلاۋشى ورگاندارمەن بىرلەسكەن جۇمىستاردى ۇيىمداستىرۋ, سونىمەن قاتار جالعان كاسىپكەرلىككە قارسى تۇرۋ شارالارىن ارتتىرۋ.
«كولەڭكەلى» ەكونوميكانىڭ نەگىزگى باعىتتارىنىڭ ءبىرى – جالعان كاسىپكەرلىكپەن كۇرەس. وسى باعىتتا وتكەن جىلى 39 قىلمىستىق ءىس قوزعالىپ, 41 ءىستىڭ ءوندىرىسى اياقتالدى. سونداي-اق, 36-سى سوتقا جولداندى. وسى سالادا مەملەكەتكە كەلتىرىلگەن زالال مولشەرى 3,6 ملرد تەڭگەنى قۇرادى, ونىڭ 468,7 ملن تەڭگەسى ءوندىرىلىپ, 80,8 ملن تەڭگەنىڭ مۇلكىنە توقتام سالىندى. سونىمەن قاتار, جالعان كاسىپكەرلەردىڭ كونتراگەنتتەرىنەن, سوت شەشىمىمەن, بيۋدجەتكە 670 ملن تەڭگەنىڭ سالىقتارى مەن مىندەتتى تولەمدەرى ءوندىرىلدى.
سالىق جانە كەدەن سالاسىنداعى قۇقىق بۇزۋشىلىقتار نەگىزىندە 68 قىلمىستىق ءىس قوزعالىپ, 57 ءىستىڭ ءوندىرىسى اياقتالدى, 17 ءىس سوتقا جولداندى. 1,2 ملرد. تەڭگەنىڭ زالالى قالپىنا كەلتىرىلدى. ەسىرتكى كونترابانداسىنا قاتىستى 2 فاكتى انىقتالىپ, ىشكى ىستەر ورگاندارىنا بەرىلدى.