جەكەشەلەندىرۋدىڭ «ەكىنشى تولقىنى» اياسىندا 394 نىسان ساتىلدى. بۇل تۋرالى ورتالىق كوممۋنيكاتسيالار قىزمەتىندە جەكەشەلەندىرۋدىڭ «ەكىنشى تولقىنىنىڭ» ىسكە اسىرىلۋ ناتيجەلەرى جانە م ۇلىكتى جاريا ەتۋدىڭ قورىتىندىسىنا ارنالعان ءباسپاسوز-كونفەرەنتسياسىندا قارجى مينيسترلىگىنىڭ مەملەكەتتىك م ۇلىك جانە جەكەشەلەندىرۋ كوميتەتى توراعاسىنىڭ ورىنباسارى عالىمجان ىبىرايىموۆ ءمالىم ەتتى.
«2014-2016 جىلدارعا ارنالعان ساتۋ كەستەسىنە سايكەس, ساتۋعا 629 نىسان جوسپارلانعان. 2017 جىلدىڭ 1 قاڭتارداعى جاعداي بويىنشا ءىس جۇزىندە ساۋداعا 578 نىسان شىعارىلدى, ونىڭ 394-ءى ساتىلدى. رەسپۋبليكالىق مەنشىك بويىنشا – 25, كوممۋنالدىق مەنشىك بويىنشا – 201, الەۋمەتتىك كاسىپكەرلىك كورپوراتسيالار بويىنشا – 97, حولدينگتەر بويىنشا – 71 نىسان ساتىلدى», – دەدى كوميتەت توراعاسىنىڭ ورىنباسارى.
سونداي-اق, ول ساتۋدان تۇسكەن قاراجاتتىڭ قالاي بولىنگەنىن ايتىپ بەردى.
«رەسپۋبليكالىق بيۋدجەتكە – 8,4, وبلىستىق بيۋدجەتتەرگە – 16,9, حولدينگتەرگە – 73,6 جانە الەۋمەتتىك كاسىپكەرلىك كورپوراتسيالارعا – 6,8 ملرد تەڭگە ءتۇستى», – دەپ اتاپ ءوتتى ع.ىبىرايىموۆ.
بۇدان كەيىن جەدەل مونيتورينگ باسقارماسىنىڭ باسشىسى ەرلان ساعناەۆ م ۇلىكتى جاريا ەتۋ اكتسياسى اياقتالعانىن جەتكىزىپ, ونىڭ قورىتىندىسى بويىنشا بايانداما جاسادى.
«م ۇلىكتى جاريا ەتۋ اكتسياسىنىڭ مۇمكىندىكتەرىن ەلدىڭ 140 مىڭنان استام ازاماتى پايدالاندى. بارلىعى 5,7 ترلن تەڭگەگە اكتيۆتەر زاڭداستىرىلدى, ونىڭ ىشىندە اقشالاي – 4,1 ترلن تەڭگە جانە م ۇلىك 1,6 ترلن تەڭگەنى قۇرايدى. جىلجىمايتىن م ۇلىكتىڭ 151 مىڭعا جۋىق نىسانى, سونداي-اق زاڭدى تۇلعالارداعى قاتىسۋدىڭ 213 ۇلەسى جاريا ەتىلدى. اقشانى جاريا ەتۋ ءۇشىن بارلىعى 11 821 شوت اشىلدى. ەل ىشىندەگى اكتيۆتەر 5 ترلن تەڭگەگە, ال شەتەلدەگى اكتيۆتەر 700 ملرد تەڭگەگە جاقىن, ولاردىڭ 614 ملرد تەڭگەسى اقشامەن, 70 ملرد تەڭگەسى م ۇلىكپەن جاريا ەتىلدى», – دەپ مالىمدەدى باسقارما باسشىسى.
ايدار ورىسباەۆ «ەگەمەن قازاقستان»