ۇكىمەتتىك ەمەس ۇيىمداردا 28 مىڭنان استام ادام جۇمىس ىستەيدى. بۇل تۋرالى بۇگىن ۇكىمەت وتىرىسىندا قر ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ مالىمدەدى.
«ۇكىمەتتىك ەمەس ۇيىمدار ناقتى الەۋمەتتىك جۇمىستارمەن قامتۋدىڭ سەكتورى بولىپ كەلەدى. سوڭعى ءۇش جىلدا ۇەۇ 5000-نان استام الەۋمەتتىك ماڭىزى بار جوبالاردى ىسكە اسىردى. مينيسترلىك ۇەۇ-نىڭ ودان ءارى دامۋى ءۇشىن جاعداي جاساپ وتىر. قارجىلاندىرۋدىڭ جاڭا ءتۇرى ەنگىزىلدى. گرانتتىق قارجىلاندىرۋ وپەراتورى قۇرىلدى. ۇەۇ دەرەكتەر بازاسى جاسالدى. ول ۇكىمەتتىك ەمەس ۇيىمدار قىزمەتىن ءبىر جۇيەگە كەلتىرۋگە مۇمكىندىك بەرەدى», - دەدى مينيستر.
ونىڭ ايتۋىنشا, مينيسترلىك الەۋمەتتىك جوبالاردىڭ تيىمدىلىگىن ارتتىرۋ ءۇشىن زاڭعا تۇزەتۋلەر ەنگىزۋگە باستاماشى بولعان.
ايتا كەتەيىك, قازاقستاندا 18092 ۇكىمەتتىك ەمەس ۇيىم تىركەلگەن.