مەملەكەت باسشىسى نۇرسۇلتان نازارباەۆ «رەسەي تەمىر جولدارى» ااق پرەزيدەنتى ۆلاديمير ياكۋنيندى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ كەزىندە كەدەن وداعى اياسىندا ەكى ەلدىڭ تەمىر جول كولىگى جولدارىن دامىتۋدىڭ كەڭ اۋقىمدى ماسەلەلەرى تالقىلاندى.
ۆلاديمير ياكۋنين نۇرسۇلتان نازارباەۆقا حالىقتار اراسىنداعى بەيبىتشىلىك پەن كەلىسىمدى نىعايتۋعا, جاھاندىق وركەنيەتتەر ۇنقاتىسۋىن ورنىقتىرۋدا الەم جۇرتشىلىعىنىڭ كۇش-جىگەرىن بىرىكتىرۋگە قوسقان ۇلەسى ءۇشىن «وركەنيەتتەر ۇنقاتىسۋى» حالىقارالىق قوعامدىق فورۋمىنىڭ سىيلىعىن تاپسىردى.