الەمدىك تاجىريبەنىڭ بەرەرى مول

بيىلعى جولداۋدا «سىباي­لاس جەمقورلىقپەن بىتىسپەس كۇرەس ءجۇ­­رىپ جاتىر. قازىرگى تاڭدا حا­لىق­ارالىق ساراپ­شى­لاردىڭ با­عا­سى بويىنشا قازاق­ستاننىڭ سى­بايلاس جەمقورلىق­قا قارسى زاڭ­ناماسى ەڭ ءتيىمدى­لەر­دىڭ ءبىرى دەپ تانىلعان», دەپ اتاپ كورسەتىلگەن بولاتىن. شىن ءما­نىسىندە دە, تەك سوڭعى ەكى جىل­­دىڭ ىشىندە قىل­مىس­تىق جاۋاپكەرشىلىككە رەس­پۋبلي­كالىق دەڭ­گەيدەگى قى­رىق­تان استام جەتەكشى, ەكى جۇزدەن استام وبلىس­تىق جانە قالالىق اۋقىمداعى لا­ۋازىمدى تۇلعالار­دىڭ تار­تىلۋى كوپ نارسەدەن حابار بەرسە كەرەك. – جاسىراتىنى جوق, حالىق­ارالىق سىبايلاس جەمقور­لىق­تىڭ سالدارىنان مەملەكەت­تەر­دىڭ ەكو­نو­ميكالىق جانە الەۋ­مەتتىك سا­لا­­لارىنا وراسان زور شىعىن كەلىپ, ونىڭ تۇتاس­تى­عىنا قاۋىپ تونە باستادى. سون­دىقتان دا حا­لىق­ارالىق دەڭ­گەيدەگى جەمقور­لىق­پەن كۇرەستە الەمدىك قاۋىم­داستىقتىڭ كۇش-جىگەرىن بىرىك­تىرۋدىڭ ماڭىزى زور. بۇل ورايدا قازىرگى تاڭدا كوپ­تەگەن ەلدەردە مۇنداي قوعام­دىق ۇلكەن كەسەلمەن كۇرەستە سىبايلاس جەمقور­لىققا قارسى ءىس-ارەكەتتىڭ ءتيىمدى ادىستەرى مەن مودەلدەرىنىڭ بو­لۋى قۇپتارلىق ءجايت. دەگەنمەن, جالپىعا بىردەي ورتاق, بىرىڭعاي جۇيەنىڭ ءالى كۇنگە دەيىن قا­لىپتاسپاي وتىر­عاندىعى كوڭىلدى الاڭداتاتىن­دىعى ءسوزسىز. بۇل وراي­دا, حا­لىقارالىق سى­بايلاس قىلمىسقا قارسى كۇرەستە جانە اكتيۆتەردى قايتارۋدا اي­تار­لىق­تاي ءناتي­جەگە جەتۋ ءۇشىن, ەڭ ال­دىمەن مەملەكەتتەر ارا­سىندا قۇندى اقپاراتتارمەن الماسۋ جانە جۇيەلى تۇردە قۇ­قىقتىق كومەك كورسەتۋ جانە وزگە دە ماڭىزدى ماسەلەلەردىڭ جولعا قو­يى­لۋى­نىڭ قاجەتتىلىگى زور, – دەيدى قايرات قوجامجاروۆ. بۇگىنگى كۇن تارتىبىندە تۇر­عان وسى جانە وزگە دە ماسەلەلەر ءجو­نىندە الماتىدا وتكەن «اكتيۆتەردى قايتارۋعا جانە حالىق­ارالىق سىبايلاس جەم­قور­لىققا قارسى ءىس-ارەكەتتەرگە ار­نالعان كۇشتەردى بىرىكتىرۋ» ات­تى حا­لىقارالىق كونفەرەنتسيادا اتاپ ايتىلدى. حا­لىق­ارا­لىق كونفەرەنتسيادا پرە­زي­دەنتتىڭ كو­مەكشىسى, قاۋىپسىزدىك كەڭە­سىنىڭ حاتشىسى مارات ءتا­جين مەملەكەت باسشىسىنىڭ قۇت­­تىق­تاۋىن وقىپ بەردى. بۇل فو­رۋمعا ەۋ­رواتلانتيكالىق كە­ڭىس­تىكتەن ەۋ­رازيالىق كەڭىستىككە دەيىنگى ال­پىسقا جۋىق ەلدىڭ سىبايلاس جەم­قورلىققا قارسى كۇرەس ۆە­دومستۆو­لارىنىڭ باس­شىلارى مەن بەدەلدى حالىق­ارالىق ۇي­ىم­داردىڭ ساراپ­شى­لارى قا­تىستى. اگەنتتىك باسشىسى جينال­عان­داردى, سونداي-اق «ترانسپەرەنسي ينتەرنەشنل» حالىق­ارا­لىق الەۋ­مەت­تىك قورى رەيتينگى بويىنشا وسىدان ءۇش جىل بۇ­رىن قازاقستان سىبايلاس جەم­قورلىق بويىنشا 155-ءشى ورىن­دا تۇرسا, قازىردە 120-شى ورىن­عا كوتەرىلگەندىگىنەن دە حاباردار ەتتى. ءبىر قۇپتارلىعى, بۇل جاع­دايدىڭ قالىپقا تۇسۋىنە رەس­پۋبليكانىڭ الدىڭعى جىلى بۇۇ-نىڭ سىبايلاس جەمقور­لىق­قا قارسى كونۆەنتسياسىنا قو­­سىلۋى ايتارلىقتاي ىقپال ەتتى. اتاپ اي­تار­لىعى, ەلىمىزدە ءۇشىن­شى رەت قا­تارىنان وتكىزىلىپ وتىر­عان حالىق­ارالىق كونفەرەنتسيا ەقىۇ, بۇۇ, گرەكو جانە «ترانسپەرەنسي ينتەرنەشنل» سياقتى بەدەلدى ۇيىم­دارمەن ىنتىماقتاستىقتى نى­عايتۋعا جانە جاڭا سەرپىلىس بەرۋگە بەرىك نەگىز بولماق. حالىقارالىق كونفەرەنتسيادا جيىنعا قاتىسۋشى مەملەكەت­تەردىڭ سىبايلاس جەمقورلىققا قار­سى كۇرەس ورگاندارى باسشى­لىعىمەن «اكتيۆتەردى قاي­تا­رۋعا جانە حالىقارالىق سىباي­لاس جەم­­قورلىققا قارسى ءىس-قي­مىلعا كۇش­تەردى بىرىكتىرۋ» تۋ­رالى ال­ما­تى كومميۋنيكەسى قا­­بىلداندى. باقىت بالعارينا, الماتى.