ءبىلىم گرانتىن الدى

ءبىلىم جانە عىلىم مينيسترلىگى جوعارى وقۋ ورىندارىندا اقىلى ءبىلىم الىپ جاتقان 2 مىڭنان استام ستۋدەنتكە تەگىن ءبىلىم گرانتىن ءبول­گەن ەكەن. ارينە, گرانتتاردى بەرۋ ءۇشىن مينيسترلىكتە ارنايى كوميسسيا قۇ­رى­لىپ, وقۋعا دەگەن ىن­تاسى مول, بو­لا­شاعى زور جاستار ىرىكتەلىپ الىن­عانى بەلگىلى. ناتيجە­سىن­دە ەلىمىزدەگى 70 جوعارى وقۋ ورىن­دارىندا اقىلى ءبىلىم الىپ جۇرگەن 11 615 ستۋدەنتتىڭ 2206-ى مەملەكەتتىك تەگىن ءبىلىم گران­تىنا لايىق دەپ تانىلدى. ولاردىڭ قاتارىندا ءبىزدىڭ وبلىستان دا ستۋدەنتتەر بار. ال, جالپى, ءبىلىم گرانت­تارىنىڭ باسىم بولىگى اگرونوميا, تەحنيكا جانە سپورت ما­مان­دىق­تارى بويىنشا وقىپ جات­قان جاس­تار­ع­ا ءبولىنىپتى. ال, بۇل ءوندىرىستى ءوڭىر ءۇشىن جانە قازاق جاستارىنىڭ جاڭا تەحني­كانىڭ ءتىلىن تاۋىپ, ۇيرەنىپ, زاۋىت, كاسىپ­ورىن­دارعا جۇمىسقا كەلۋلەرى كوپ­شىلىكتىڭ كوكەيىندە ءجۇر­گەن ماسە­لە. جۋىردا وبلىس ورتا­لى­عىن­داعى «دوستىق» ۇيىندە تەگىن ءبىلىم گرانت­تارىن جەڭىپ العان ستۋدەنتتەرگە كۋا­لىك تاپسىرۋ سالتاناتى ءوتتى. ولاردىڭ قاتارىندا وبلىس ور­تالىعىنداعى ين­­نوۆا­تسيا­لىق ەۋرازيا ۋنيۆەرسيتەتى «كولىكتىڭ ەكسپلۋا­تا­تسياسى جانە تا­سى­­مال­داۋىن ۇيىم­داس­تىرۋ», پەداگو­گي­كا­لىق ينستيتۋت­تىڭ «دەنە ءتار­بيەسى جانە سپورت», سۇلتانماحمۇت تو­­راي­عىروۆ اتىن­دا­عى مەملەكەتتىك ۋني­ۆەرسيتەتتىڭ اگرونوميا, ەكىباس­تۇز­داعى قانىش ءسات­باەۆ اتىنداعى ينجەنەرلىك-تەح­ني­كالىق ينستيتۋتى «كولىك, كولىكتىك تەحنيكا جانە تەحنولوگيا» مامان­دىقتارى بويىنشا ءبىلىم گرانتىن جەڭىپ العان ءبىر توپ ستۋدەنتتەر بار. گرانت يەگەرلەرىنىڭ اتى­نان ستۋدەنتتەر سابينا ساعىناە­ۆا مەن اسقار تىنىباەۆتار مەملەكەت كور­سەتكەن بۇل قامقورلىقتى اق­تاپ, الداعى ۋا­قىت­ت­ا سەنىمنەن شىعاتىن­دارىن جەتكىزدى. فاريدا بىقاي, پاۆلودار.