قۇرمەتتى وتانداستار!

قازاقستان حال­­قى اس­سام­بلەيا­­سى ءسىز­دەر­دى جەر-ءدۇ­نيە­نى جا­ڭار­تىپ, كوك­تەم­دى ءوزى­مەن ەرتە كە­لەتىن, ۇلىستىڭ ۇلى كۇنى ءاز ناۋ­رىز مەرەكەسىمەن قۇتتىقتايدى! بۇل كۇن – كۇن مەن ءتۇن تە­ڭە­سىپ, جان-جانۋار, وسىمدىك بىتكەن ءتۇ­لەپ, تولدەپ, تۇرلەنىپ, ەلدىڭ اۋ­زى اققا تيەتىن, جەر ۇستىنە شات­تىق ور­ناي­تىن كۇن. اتا-بابا­لا­رى­مىز­دىڭ بارشا تابيعات بالاسى ويانىپ, جاڭا­راتىن وسى مەرەكەنى جىل باسى دەپ تاڭداۋى دا تەگىن ەمەس. ءبىزدىڭ حالقىمىز ءۇشىن بۇل مەرەكە – قۇلپىرعان كوكتەمدەي جاس­تىق­تىڭ, كۇن نۇرىنداي شۋاقتى مە­يىرىمنىڭ, ىزگى دوستىقتىڭ, ادال ما­حابباتتىڭ مەرەكەسى. تاۋەلسىزدىك تاڭى اتقان كەزدەن ەلىمىزدە ءاربىر ازاماتتىڭ ءوز بو­لا­شاعىن دەربەس قۇرۋىنا جول اشى­لۋى, بارلىق ەتنوستاردىڭ تاتۋ­لىق پەن كەلىسىمدە تۇرمىس كەشۋى, قو­عام­داعى بارشا ازاماتتىڭ ەت­نوس­تىق, تىلدىك جانە كون­فەس­سيا­لىق ەرەكشەلىگىنە قاراماستان, تەڭ قۇ­قىققا يە بولۋى ەجەلدەن كەلە جات­قان ناۋرىز مەرەكەسىنىڭ قا­عي­دات­تارىمەن سايكەسەدى. ءبىزدىڭ حال­قىمىز بوستاندىق, بىرلىك, تۇراقتىلىق, ءور­كەن­دەۋ قاعي­دات­تارىن بەرىك ۇستانا وتىرىپ, تاۋەلسىزدىكتىڭ 20 جى­لىن­دا تۇراق­تى دا گۇلدەنگەن قو­عام ورناتىپ ەل ىرىسىن ەسەلەي ءتۇستى. ءبىز تەرەزەسى تەڭ, كەرەگەسى كەڭ مەملەكەت قۇردىق. بۇگىنىمىز بە­رەكەلى, بولاشاعىمىز نەسىبەلى بول­سىن دەپ ىشكى تۇتاس­تىعى­مىز­دى بەكەمدەدىك. ەلىمىز دامۋدىڭ دۇرىس تاڭ­دال­عان باسىمدىقتارىنىڭ ارقا­سىن­دا بارلىق سىناقتارعا توتەپ بەرىپ, ور­نىقتى دامۋدىڭ جانە حا­لىقتىڭ ءال-اۋقاتىن ۇدايى ارت­تى­رۋدىڭ جو­لىنا شىقتى. قادىرلى وتانداستار! ناۋرىز مەرەكەسى قازىرگى تاڭدا كوپەتنوستى قازاقستان ءۇشىن بار­شا­عا ورتاق, ءاربىر وتباسىنىڭ اسى­عا كۇتەتىن ايتۋلى كۇنىنە اي­نالدى. مامىراجاي قوعامى بار, بەيبىتشىلىك پەن كەلىسىم مۇ­رات­تا­رىنا ادال بارشا وتان­داس­تا­رى­مىز ناۋرىزدىڭ سالتىنا ساي ءبىرىن ءبىرى ناۋرىز كو­جەگە شاقىرىپ, وكپە, نازدارىن ەسكى جىلعا قال­دىرىپ, ءتوس قاعىسىپ سالەمدەسىپ, اشىق-جارقىن جاڭاشا قارىم-قاتىناسىن باستايدى. ەل يگى ارمانىن ارداقتاپ, جەتىستىكتەرىن ايگىلەيتىن مەرەكەدە حال­قىمىزدىڭ ىنتىماعى جارا­سىپ, ەلىمىز مولشىلىققا, ال ءار شا­ڭى­راق – باقىت پەن شاتتىققا تولسىن دەپ تىلەيمىز! بارشاڭىزعا شىن جۇرەكتەن, شى­نايى كوڭىلمەن باق-بەرەكە تىلەيمىز. ەلىمىز امان, جۇرتىمىز تىنىش بولسىن! قازاقستان حالقى اسسامبلەياسى كەڭەسى.