بىرىڭعاي كەزەكشىلەر ديسپەتچەرىنە «جوعارعى توبىل سۋ قويماسىندا «نيۆا» كولىگى مۇزعا ءتۇسىپ كەتىپتى» دەگەن سۋىت حابار كەلىسىمەن قۇتقارۋشىلار جەدەل جولعا شىققان. ماشينانىڭ ىشىندە بالىق اۋلاپ جۇرگەن ءتورت كىسى بولعان. ولار مۇزدىڭ ويىلىپ كەتكەنىن سەزگەن سوڭ-اق, ماشينا كابيناسىنان شىعىپ ۇلگەرىپ, مۇزداردىڭ ۇستىندە جۇرەدى. ولاردىڭ اراسىندا بىرەۋى بەلۋارىنان سۋعا ءتۇسىپ كەتىپ, جەدەل كومەكسىز جاعدايى قيىنداي باستاعان ەدى.
ليساكوۆ قالاسىنان قۇرامىندا ءتورت 4 ادام بار قۇتقارۋشىلار توبى مەن ءبىر تەحنيكا بالىقشىلاردى ۋاقىت ۇتقىزباي تاۋىپ الادى. ولارعا ليساكوۆ قالالىق جانە دەنيسوۆ اۋداندىق توتەنشە جاعدايلار بولىمشەلەرىنىڭ باسشىلارى دا جەتكەن بولاتىن. ولار 1976, 1983, 1982 جانە 1952 جىلى تۋعان ءتورت بالىقشىنى مۇز ۇستىنەن ءتۇسىرىپ الدى. ابدەن توڭىپ, ساۋساقتارى ۇسە باستاعان بالىقشى ليساكوۆ قالالىق اۋرۋحاناسىنا جەتكىزىلدى.
ءنازيرا جارىمبەتوۆا,
"ەگەمەن قازاقستان".
قوستاناي