تارازدا «بايتەرەك دەۆەلوپمەنت» اق «نۇرلى جول» مەملەكەتتىك باعدارلاماسى اياسىندا سالىنىپ جاتقان كوپپاتەرلى تۇرعىن ءۇيدىڭ قۇرىلىسىن بىتىرۋگە تاياپ قالدى. بۇل تۋرالى تارازدا وڭىرلىك كوممۋنيكاتسيالار قىزمەتىندە وتكەن بريفينگتە «بايتەرەك دەۆەلوپمەنت» اق ديرەكتورى اسىلجان كۇرتاەۆ ءمالىم ەتتى.
«بۇل ءۇشىن نەسيەگە جانە ارەنداعا بەرىلەتىن تۇرعىن ءۇي قۇرىلىسى باعىتىنداعى نەگىزگى وپەراتورلاردىڭ ءبىرى رەتىندە ءبىزدىڭ اكتسيونەرلىك قوعامعا 113 ملرد. تەڭگە ءبولىندى. تاعى 67 ملرد. تەڭگە قۇرىلىستى قارجىلاندىرۋ ءۇشىن جەرگىلىكتى اتقارۋشى بيلىك ارقىلى قاراستىرىلدى», - دەدى ا.قۇرتاەۆ.
سپيكەرىنىڭ سوزىنە قاراعاندا, اق تارازدا 395 پاتەر قۇرىلىسىنا ينۆەستيتسيا سالۋعا جەكە قۇرىلىس سالۋشىلارمەن 5 شارت جاساسقان جانە 2016-2017 جىلدارى 22,5 مىڭ شارشى مەتر تۇرعىن ءۇي تۇرعىزۋدى جوسپارلاپ وتىر.
ايتا كەتەر جايت, 1 شارشى مەتردىڭ باعاسى 131 مىڭنان 145 مىڭ تەڭگە ارالىعىندا.
«ارەندالىق تۇرعىن ءۇي اكىمدىكتە تىركەلگەن الەۋمەتتىك جاعداي تومەن وتباسىلارىنا بەرىلەدى. ال اي سايىنعى ارەنداعا تولەم شارشى مەترىنە 1 110 تەڭگەدەن بولماق», - دەپ ءتۇسىندىردى سپيكەر.