تالعامپاز جۇرتشىلىقتى تاڭداندىردى

جاقىندا سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىنىڭ پروفەسسورى, ديريجەر, كومپوزيتور, قازاقستان­نىڭ ەڭبەك سىڭىرگەن قايراتكەرى, قازاقستان رەسپۋبليكاسى ءبىلىم بەرۋ ءىسىنىڭ ۇزدىگى ورازعالي ءجۇنىس­بەك ۇلى سەيىتقازىنىڭ قازاقستان رەسپۋبليكاسى تاۋەلسىزدىگىنىڭ 25 جىل­دىعىنا ارنالعان «كيەلى سەمەي» اتتى جەكە شىعارما­شى­لىق كونتسەرتى الماتى قالاسى­نىڭ قۇرمانعازى اتىنداعى مەملە­كەتتىك اكادەميالىق قازاق حالىق اسپاپتارى وركەسترىنىڭ كونتسەرت زالىندا تابىستى ءوتتى. الماتىداعى قۇرمانعازى اتىن­داعى كونسەرۆاتوريانى ءبىتىرىپ, جولدامامەن سەمەيگە كەلگەن جاس مامان وسىندا قىرىق جىلدان استام ۋاقىتتان بەرى ونەر سالاسىندا جەمىستى قىزمەت اتقارىپ كەلە­دى. وسى جىلدار ىشىندە ول امىرە قاشاۋباەۆ اتىنداعى وبلىستىق فيلارمونياعا باسشىلىق ەتتى, سونىمەن بىرگە سونداعى بيبىگۇل تولەگەنوۆا اتىنداعى ۇلت اسپاپتارى ءانسامبلىنىڭ باستاۋىندا بولىپ, سول تانىمال ءانسامبلدىڭ بىلىكتى ديريجەرى اتاندى. ورەكەڭنىڭ سان سالالى سازگەرلىك جولى مەن ۇلىلار ەلىندەگى جاس تالانتتاردىڭ ۇستازى رەتىندەگى قاجىرلى ەڭبەگى ءوز الدىنا ءبىر اڭگىمە. سونىڭ ءبارى قوسىلا كەلگەندە ونىڭ سەمەيدەگى ىرگەلى جوعارى وقۋ ورنىنىڭ پروفەسسورى, قازاقستاننىڭ ەڭبەك سىڭىرگەن قايراتكەرى اتانۋىنا جول اشتى. مىنە, ەندى ءوزارا كەلىسىم بو­يىنشا وسىدان بىرنەشە اي بۇرىن جوسپارلانعان الماتىداعى جەكە كونتسەرتىندە و.سەيىتقازى بۇكىل دۇنيە جۇزىنە كەڭىنەن تانىمال قازاق مۋزىكا ونەرىنىڭ كيەلى قارا شاڭىراعىنا اينالعان اتاقتى ونەر ۇجىمى – قۇرمانعازى اتىنداعى مەملەكەتتىك اكادەميالىق قازاق حالىق اسپاپتارى وركەسترىنە كەش بويى ديريجەرلىك جاسادى. كونتسەرتتە اباي, قۇرمانعازى, ن.تىلەنديەۆ شىعارمالارىمەن قاتار سەمەي ءوڭىرىنىڭ تانىمال كوم­پوزيتورلارى ت.بازار­باەۆ­تىڭ, ج.داستەنوۆتىڭ, ق.دوسىم­جانوۆ­تىڭ, ك.الدەكەنوۆتىڭ تاڭ­داۋلى شىعارمالارى, و.سەيىتقازى وركەسترگە وڭدەگەن ل.بوككەريني­دىڭ «مەنۋەت», پ.چايكوۆسكيدىڭ «ششەلكۋنچيك» بالەتىنەن «گۇل­دەر ءۆالسى», ا.بابادجانياننىڭ «نوكتيۋرن» اتتى الەمدىك كلاسسيكا­لىق شىعارمالارى جانە ءوزىنىڭ كوپتەگەن ءان-كۇيلەرى ورىندالدى. كونتسەرتكە ەلىمىزدىڭ اتاقتى ونەر جۇلدىزدارى – قازاقستان­نىڭ حالىق ءارتيسى, مەملەكەت­تىك سىي­لىق­تىڭ لاۋرەاتى التىن­بەك قوراز­باەۆ, قازاقستاننىڭ ەڭ­بەك سىڭىرگەن قايراتكەرلەرى بايان ساعىنباەۆا, جارقىن ءشا­كارىم, جاناس بەكەنتۇروۆ, ەركىن شۇكى­مان, دالەل ءۋاش, و.سەيىت­قازى­نىڭ شاكىرتتەرى – قر مادە­نيەت قايراتكەرى, سىبىزعىشى تال­عات مۇقىشەۆ, حالىقارالىق كونكۋرستاردىڭ لاۋرەاتى, دومبىراشى ايبەك بەكبوسىنوۆ, رەس­پۋب­ليكالىق كونكۋرستىڭ ديپ­لومانتى, قىلقوبىزشى مەرۋەرت اقاناەۆا جانە حالىقارالىق كون­كۋرستاردىڭ لاۋرەاتى, ءانشى نۇرسۇلتان شاتىرحان ۇلى, تالاپتى جاس ءانشى, سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىنىڭ ستۋدەنتى ەرلان لەسپاەۆتار قاتىستى. كونتسەرتتىك باعدارلاما تال­عامپاز الماتى جۇرتشىلىعى­نىڭ كوڭىلىنەن شىعىپ, زور قوشە­مەتكە يە بولدى. اتالعان ءىس-شارا تۋرالى بەينەاقپارات «قازاق­ستان» ۇلتتىق تەلەارنا­سىنىڭ «تاڭشولپان» باعدارلاما­سىنان كورسەتىلدى. بۇكىل رەسپۋبليكا كولەمىنە بەل­گىلى مۋزىكا قايراتكەرى و.سەيىت­قازىنىڭ بۇل جەكە شىعارما­شىلىق كونتسەرتىن سەمەيلىكتەر, جالپى ونەر سۇيەر قاۋىم ءۇشىن ايتۋعا تۇرارلىق وقيعا دەۋىمىزگە دە بولادى. ولاي دەيتىنىمىز, سەمەي تۇر­ماق, ەلىمىزدىڭ شىعىس ءوڭىرى تاري­حىندا و.سەيىتقازىدان بۇرىن ەشكىم الماتىداعى اتاقتى وركەستر­مەن جەكە شىعارماشىلىق كونتسەرتىن وتكىزبەگەن. وسىدان-اق قايراتكەردىڭ كاسىبي دەڭگەيىنىڭ جوعارى ەكەندىگى بايقالادى. سون­دىقتان قايراتكەردىڭ تابىستى بۇل كونتسەرتى شىعىس ءوڭىرى مادەني ومىرىندەگى دە ايتارلىقتاي جارقىن ءبىر بەلەس بولدى دەپ بىلەمىز. ال ونىڭ ەل تاۋەلسىزدىگىنىڭ شيرەك عاسىرلىق ءدۇبىرلى مەرەكەسى قارسا­ڭىندا ءوتۋى جانە جاراسىپ جاتتى. داۋلەت سەيسەن ۇلى, جۋرناليست  الماتى