ەرتەڭنەن باستاپ قازاقستاندا اۆتوكولىك تىركەۋدىڭ جاڭا ءتارتىبى كۇشىنە ەنەتىن بولادى دەپ حابارلايدى ەگەمەن-اقپارات. ول «ەكستەرريتوريالدى» دەپ اتالادى. جاڭا پرينتسيپكە سايكەس ەلىمىز ازاماتتارى ءۇشىن اۆتوكولىك تىركەۋ ءىسى جەڭىلدەدى.
بۇدان بىلاي ءاربىر ازامات قاي جەردە تىركەۋدە تۇرعانىنا قاراماي, كولىكتى ساتىپ العان قالادا تىركەۋىنە بولادى. مىسالى ءسىز الماتىدا تىركەلگەنسىز, ال ماشينانى شىمكەنتتە ساتىپ الدىڭىز. ەندى سىزگە ترانزيتتىك ءنومىر الۋ قاجەت ەمەس. كولىكتى شىمكەنتتىڭ وزىندە تىركەي الاسىز. ول ءۇشىن اۆتوكولىكتەر يەلەرىنە ارنالعان ارنايى حالىققا قىزمەت كورسەتۋ ورتالىقتارىنا نەمەسە اكىمشىلىك پوليتسيانىڭ وبلىستىق تىركەۋ پۋنكتتەرىنە بارۋ كەرەك. جاڭا ءتارتىپ اسىرەسە ءبىر قالادا تىركەۋدە تۇرىپ, باسقا قالادا جۇمىس ىستەيتىندەر ءۇشىن ىڭعايلى. ويتكەنى, ماشينا ساتىپ العان سوڭ ونى تىركەۋ ءۇشىن عانا ارى-بەرى ءجۇرۋ قاجەت ەمەس.
جاڭا ءتارتىپ 2016 جىلدىڭ 26 قىركۇيەگىنەن كۇشىنە ەنەدى. ول قازاقستاندا تىركەلگەن جەكە جانە زاڭدىق تۇلعالاردىڭ بارىنە ورتاق.
اۆتوكولىك يەلەرى ءۇشىن وسىدان ءبىراز بۇرىن جاسالعان جەڭىلدىكتەر تۋرالى ايتا كەتەيىك.
ءبىرىنشى. ءار ازامات جۇرگىزۋشى كۋالىگىن ءوزىنىڭ قاي جەردە تىركەۋدە تۇرعانىنا قاراماي كەز كەلگەن وبلىستاعى اۆتوكولىكتەرگە ارنالعان «تسون-نان» الۋىنا بولادى.
ەكىنشى. ا, ا1, ۆ, ۆ1 كاتەرگوريالارى ءۇشىن اۆتومەكتەپتە وقۋ مىندەت ەمەس. ياعني, ازاماتتار وزدىگىنەن دايىندالىپ, ەمتيحاندى ارنايى قىزمەت كورسەتۋ ورتالىقتارىندا تاپسىرا الادى.
ءۇشىنشى. بۇرىن جوعالىپ نەمەسە ب ۇلىنۋىنە بايلانىستى تەحپاسپورتتىڭ دۋبليكاتىن الۋ كەرەك بولعاندا اۆتوكولىكتى تەكسەرتۋ كەرەك بولاتىن. ەندى مۇنىڭ قاجەتى جوق.
قوسىمشا:
ا كاتەگورياسى – موتوتسيكل, موتوروللەر سياقتى كولىك قۇرالدارىن (16 جاسقا تولعان ازاماتتارعا);
ا1 كاتەگورياسى – قوزعالتقىش كولەمى 125 تەكشە سانتيمەتردەن جانە قۋاتى 11 كۆت-تان اسپايتىن (جەڭىل موتوتسيكلدەر) اسپايتىن موتوتسيكلدەردى;
ۆ كاتەگورياسى – رۇقسات ەتىلگەن سالماعى 3,5 توننادان, وتىراتىن ورىندارى (جۇرگىزۋشى ورىندىعىن ساناماعاندا) 8-دەن اسپايتىن; سالماعى 750 كەلىدەن اسپايتىن تىركەمەلەر تىركەلگەن, سالماعى 750 كەلىدەن جوعارى, بىراق جۇكسىز سالماعى اۆتوكولىكتىڭ سالماعىنان, ال جالپى سالماعى 3 500 كەلىدەن اسپايتىن تىركەمەلەر تىركەلگەن «ۆ» كاتەگورياسىنداعى كولىكتەردى (18 جاسقا تولعان ازاماتتارعا);
ۆ1 كاتەگورياسى – موتورلى تريتسيكلدەر مەن كۆادروتسيكلدەردى جۇرگىزۋگە بەرىلەتىن قۇقىق.
ەگەمەن-اقپارات