سەنات توراعاسى قاسىم-جومارت توقاەۆ پارلامەنتتىڭ جوعارعى پالاتاسىنىڭ بۇرىنعى دەپۋتاتى نۇرلان ورازالينگە قۇرمەت گراموتاسىن تابىس ەتتى. سەناتوردىڭ وكىلەتتىگى قازاقستان رەسپۋبليكاسى پرەزيدەنتىنىڭ جارلىعىمەن توقتاتىلعان بولاتىن.
ن.ورازالين مەملەكەت باسشىسىنىڭ ستراتەگياسى مەن رەفورمالارىن زاڭنامالىق تۇرعىدا قامتاماسىز ەتۋگە ەلەۋلى ۇلەس قوسقانى ءۇشىن ماراپاتتالدى.
ق.توقاەۆ بۇرىنعى سەناتوردىڭ كاسىبي بىلىكتىلىگى مەن پرينتسيپشىلدىگىن اتاپ ءوتتى جانە زاڭ جوبالارى بويىنشا بەلسەندى ءارى ءناتيجەلى جۇمىسى ءۇشىن العىس ايتتى. پالاتا باسشىسى ن.ورازالينگە قازاقستان جازۋشىلار وداعىنىڭ ءتوراعاسى لاۋازىمىندا تابىستى قىزمەت ەتۋىنە تىلەكتەستىگىن ءبىلدىردى.
كەزدەسۋگە قاتىسقان سەنات بيۋروسىنىڭ مۇشەلەرى دە ءارىپتەسىنە, بەسىنشى جانە التىنشى شاقىرىلىمداعى پارلامەنتتىڭ دەپۋتاتىنا ريزاشىلىقتارىن ءبىلدىردى, دەپ حابارلادى پارلامەنت سەناتىنىڭ ءباسپاسوز قىزمەتى.