جەتىمىن جەلەپ-جەبەگەن حالقىمىزدا ءبىر ادەمى ءداستۇر بار. سول ۇلگىنى ءبىلىم جانە عىلىم مينيسترلىگىنە قاراستى بۋراباي باۋىرىنداعى رەسپۋبليكالىق «بالداۋرەن» بالالار كەشەنى جالعاستىرىپ كەلەدى. وندا جىل بويى جۇزدەگەن ۇل مەن قىز بىرنەشە اۋىسىمدا دەم الادى. قازىر وتانىمىزدا 5 ميلليوننان استام بالا بار دەسەك, ونىڭ 12 مىڭى بالالار ءۇيى مەن ينتەرناتتاردا ءومىر ءسۇرىپ جاتىر.
جاقىندا وسى كەشەنگە دەمالۋعا كەلگەن 286 بالانىڭ 161-ءى بالالار ءۇيىنىڭ تاربيەلەنۋشىلەرى ەكەن. سولاردى جىلى قارسى العان ۇجىم قىزمەتكەرلەرى ءبىر كۇندىك جالاقىلارىن ءبولىپ, كوڭىلى جارىم ۇل-قىزدى قۋانتتى. ياعني, 400 مىڭ تەڭگەگە قاجەتتى كيىم-كەشەكتەرىن, وقۋ قۇرالدارىن الىپ ءارقايسىسىنىڭ قولىنا ۇستاتتى. ولاردىڭ قۋانعانى سونداي ءتىپتى, كەيبىرەۋلەرى وسى يگىلىكتى ىسكە ۇيىتقى بولعان, قامقورلىق تانىتقان كەشەن باسشىسى م.تولەپباەۆقا ريزالىقتارىن ءبىلدىرىپ, ونەرلەرىن ورتاعا سالدى.
جاڭىلسىن نۇرعاليەۆا, ادىسكەر.