1 قىركۇيەكتەن باستاپ «ەگەمەن قازاقستان» رەسپۋبليكالىق گازەتىنىڭ استاناداعى تارالىمى تولىعىمەن ءتۇرلى-ءتۇستى بوياۋمەن شىعادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالى مالىم ەتتى.
ونىڭ ايتۋىنشا, باسىلىمنىڭ باسقا وڭىرلەردەگى تارالىمى ءتۇرلى-ءتۇستى بوياۋعا جەرگىلىكتى پوليگرافيا كاسىپورىندارىنىڭ مۇمكىندىكتەرىنە قاراي جاڭا جىلدان باستاپ كوشەدى.
«ءبىز كەلەشەكتە ەۋروپالىق ستاندارتتاعى ا2- فورماتىنا كوشۋ مۇمكىندىگىن دە قاراستىرىپ جاتىرمىز. ەگەر بۇل فورماتقا كوشسەك, گازەتتى كولىكتەگى, ۇشاقتاعى جولاۋشىلاردىڭ وقۋىنا وتە قولايلى بولار ەدى دەپ ويلايمىز», – دەدى د.قىدىرالى.
سونىمەن قاتار, «ەگەمەن قازاقستان» گازەتىنىڭ شەتەلدەردەگى ارناۋلى تىلشىلەر قوسىنىن اشۋ دا جوسپارلانىپ وتىر. باسقارما توراعاسى قازىر بۇل باعىتتا جۇمىس جۇرگىزىلىپ جاتقانىن اتاپ ءوتتى. «ءبىرىنشى كەزەكتە الىس-جاقىن شەتەلدەر, سونىڭ ىشىندە قازاقستانمەن ماڭىزدى ستراتەگيالىق سەرىكتەس ەلدەر نازارعا الىنباق», – دەدى ول.
ايدار ورىسباەۆ