«قار بارىسى» قولاعا قول جەتكىزدى

قازاقستاننىڭ دەن الەمنىڭ كلۋب كوماندالارى اراسىنداعى حالىقارالىق تۋرنيردە قولا مەدال جەڭىپ الدى. استانانىڭ جاستار كومانداسى ءۇشىنشى ورىن ءۇشىن تالاستا ءفيننىڭ «يوكەريت» جاساعىن 2:1 ەسەبىمەن ۇتتى. ەلوردالىقتار مۇنىڭ ال­دىن­داعى جارتىلاي فينالدا جاستار حوككەي ليگاسىنىڭ وتكەن جىلعى چەمپيو­نى – ءياروسلاۆلدىڭ «لوكوموتيۆ» كومانداسىنا ەسە جىبەردى. ماتچتىڭ نەگىزگى مەرزىمى 2:2 ەسەبىمەن تەڭ اياقتالعانىمەن, قوسىمشا ۋاقىتتا رەسەيلىك جاستاردىڭ جولى بولدى. ءتۋرنيردىڭ توپتىق ويىندارى بارىسىندا «قار بارىسى» پلەي-وفف كەزەڭىندە «سلوۆان» كومانداسىن (سلوۆاكيا) 7:4 جانە «سپارتا» كومانداسىن (چەحيا) 5:2 ۇپايىمەن ۇتتى. الەم كۋبوگى جارىسىنا قازاق­ستان, رەسەي, لاتۆيا, شۆەتسيا, فينليانديا, چەحيا جانە سلوۆاكيا ەلدەرىنەن سەگىز كوماندا قاتىستى. «قار بارىسى» كومانداسى بۇل جەڭىسكە باس جاتتىقتىرۋشى عالىم مامبەتاليەۆتىڭ باپتاۋىندا جەتتى. ەسكەندىر ەرتاەۆ