كەشە استانادا تاۋەلسىزدىكتىڭ 25 جىلدىعى قارساڭىندا كەلگەن كونستيتۋتسيا كۇنى مەرەكەسى «كونستيتۋتسيا – قوعام مەن مەملەكەتتىڭ سەرپىندى جانە تۇراقتى دامۋىنىڭ نەگىزى» اتتى حالىقارالىق عىلىمي-پراكتيكالىق كونفەرەنتسيامەن باستاۋ الدى.
مارتەبەلى مەرەكەلىك شاراعا قر مەملەكەتتىك حاتشىسى گۇلشارا ءابدىقالىقوۆا, كونستيتۋتسيالىق كەڭەس توراعاسى يگور روگوۆ, جوعارعى سوت توراعاسى قايرات ءمامي, باس پروكۋرور جاقىپ اسانوۆ, پارلامەنت ءماجىلىسىنىڭ دەپۋتاتتارى, مەملەكەتتىك قۇرىلىمداردىڭ باسشىلارى مەن 10 ەلدەن جانە 6 بەدەلدى حالىقارالىق ۇيىمنان كەلگەن شەتەلدىك قوناقتار قاتىستى.
كونفەرەنتسيانىڭ اشىلۋ سالتاناتىندا ءسوز العان مەملەكەتتىك حاتشى گ.ابدىقالىقوۆا شاراعا قاتىسۋشىلارعا قازاقستان پرەزيدەنتى نۇرسۇلتان نازارباەۆتىڭ كونستيتۋتسيا كۇنى مەرەكەسىمەن قۇتتىقتاعان حاتىن وقىپ بەردى.
مۇنان سوڭ كونفەرەنتسيادا جوعارعى سوت توراعاسى قايرات ءمامي اتا زاڭ اياسىندا سۋديالار كورپۋسىنىڭ جۇمىسىن سارالاپ, سوت جۇيەسىنىڭ 3 باعىت بويىنشا اتقارعان شارۋالارىن تارقاتتى.
ال ەلىمىزدىڭ باس پروكۋرورى جاقىپ اسانوۆتىڭ ايتۋىنشا, بىزدەگى اتا زاڭ بار-جوعى 21 جىل ىشىندە مىقتى قالىپتاسىپ, ءوز ناتيجەسىن بەرىپ كەلەدى.
عىلىمي-پراكتيكالىق كونفەرەنتسيا بۇگىن جالعاسادى.
تالعات رايىمبەك,
«ەگەمەن قازاقستان»