ءومىر ءبىر ورنىندا تۇرمايتىندىعى بەلگىلى. ۋاقىت اعىمى العا تارتىپ وتىرادى. ءوزىمىز كۋاگەر بولىپ جۇرگەندەي سونىڭ ەكپىندى لەبى اسىرەسە, ەلىمىز تىنىس-تىرشىلىگىنەن ەرەكشە سەزىلەدى. تەگىندە ىرگە بەرىكتىرۋگە, شاڭىراق بيىكتەتۋگە ۇمتىلىس ادەتتە جاس مەملەكەتتەرگە ءتان. بۇل بىزگە دە ورتاق ەكەندىگى قۋانتادى.
سۇيىكتى قازاقستانىمىز ءوز دامۋىنىڭ جاڭا ءبىر بيىك بەلەسىنە اياق باسقالى تۇر قازىر. ەلباسىمىزدىڭ دەموكراتيالىق جولمەن ءوسىپ-وركەندەۋدىڭ, اتا زاڭىمىزدى ارداقتاۋدىڭ ۇلگىسىن كورسەتىپ, رەفەرەندۋم ورنىنا پرەزيدەنتتىك سايلاۋ وتكىزۋدى شەشۋى سوعان باستايدى دەپ بىلەمىز. حالقىمىز اسا قادىر تۇتاتىن نۇرسۇلتان ءابىش ۇلىنىڭ قازاقستاندىقتار قولداۋىنا سايكەس وكىلەتتىگىن ۇزارتۋعا مۇمكىندىگى بار ەدى. سوعان قاراماستان سايلاۋ ارقىلى سىننان ءوتۋدى قالاۋى دانالىق پەن كورەگەندىكتىڭ تاعى ءبىر ايعاعى ەكەنى تالاسسىز.ول بولاشاق ساياساتكەرلەرگە ۇمىتىلماس ۇلاعات بولار دەپ ويلايمىز.
تاۋەلسىزدىك جىلدارىندا ەلىمىزدىڭ مۇلدەم تانىعىسىزداي وزگەرىسى كوز الدىمىزدا ءوتىپ كەلەدى. وسىنىڭ ءبارى ن.ءا نازارباەۆتىڭ ەرەن ەڭبەگى مەن ساليقالى باسشىلىعىنىڭ ارقاسىنداعى جەڭىس ەكەندىگى انىق. مەملەكەتىمىزدىڭ مەرەيىن ءوسىرىپ, الداعى اسۋلارعا ۇمتىلدىرا بەرۋ تەك قازىرگى ەلباسىنىڭ قولىنان كەلەتىنىنە سەنىمدىمىز. سولاي بولۋىن قالايمىز. ءبارىمىزدىڭ جۇرەگىمىزدەگى وي-تىلەك وسى.
كامالي دۇيسەنبەكوۆ, قاراعاندى قالاسىنىڭ قۇرمەتتى ازاماتى,
ۇلى وتان سوعىسىنىڭ ارداگەرى.