ءCىز نە دەيسىز؟

اۋىز سۋ تاپشىلىعى جويىلا ما؟ وبلىس تۇرعىندارىن اۋىز سۋمەن قامتۋ ءجو­نىندە ءبىراز جۇمىستار ات­­قا­رى­لىپ جاتقانى­مەن, وڭىردە وعان شولىركەپ وتىر­عاندار قاتارى ازايار ەمەس. «ەگەمەن قازاقستان» گازەتىنىڭ باتىس قازاقستان وبلىسى بويىنشا ءتىلشىسى تەمىر قۇسايىن باتىس قازاقستان وبلىستىق قۇرىلىس باسقارماسىنىڭ باستىعى قۋانىش مۇحامبەتقالي ۇلىنا: – ءسىز بۇعان نە دەيسىز؟ – ايماقتاعى اۋىز سۋ تاپ­شىلىعى بيىل تولىق­تاي جويىلادى دەپ ايتساق, ار­تىق ايتقاندىق بولار. دە­گەنمەن, بيىل بۇل ءما­سەلەدە ۇلكەن ىستەر مەن جوبالار قولعا الىن­باق. اتاپ ايت­قاندا, «تازا سۋ», «اق­بۇلاق» باعدارلا­ما­لا­رى بويىنشا بيىل وب­لىستىڭ ون اۋدا­نىن­دا سۋمەن قام­تۋدىڭ ون بەس نىسانى سالىنىپ پايدا­لا­نۋعا بەرىلەدى. اۋىل-ايماق­تى تازا سۋمەن قامتۋ جۇمىس­تا­رى­نا رەسپۋبليكالىق بيۋدجەتتەن 1 ملرد. 644 ملن. تەڭگە ءبولىندى. ەلباسى بيىلعى حا­لىققا جولداۋىندا «قا­زاق­ستان­دىق­تاردى ساپالى اۋىز سۋمەن قامتاماسىز ەتۋ ماسە­لەلەرى – حالىقتىڭ دەنساۋ­لى­عىن جاقسارتۋدىڭ اسا ما­ڭىزدى مىندەتى, سون­دىقتان بۇل ءبىزدىڭ باسىم­دىعىمىز, – دەپ اتاپ كور­سەتتى. اقجايىق اۋدانىنىڭ مەر­گەن, ەسەنساي, بۋدارين اۋىلدارىنىڭ 4469 تۇرعى­نى تازا سۋ ىشۋگە مۇمكىن­دىك الادى. اتالعان اۋىل­دارعا 49 شاقىرىمدىق سۋ قۇبىرى تارتىلادى. ال بوكەي وردا­سىنىڭ سارال­جىن اۋىلىندا وتكەن جى­لى باستالعان سۋ نى­سا­نى­نىڭ قۇرىلىسى بيىل اياق­تالادى. وندا 28 شاقى­رىم­دىق سۋ قۇبىرى تارتى­لىپ, 1462 تۇرعىن اۋىز سۋمەن قامتىلادى. ءبورلى اۋدا­نىنىڭ پريۋرال, جارسۋات, جاڭاقالا اۋدانىنىڭ جاڭا­قالا اۋىلى, ءجانى­بەكتىڭ جاق­سىباي, زەلە­نوۆ­تىڭ پوگاداەۆ, قازتا­لوۆ­تىڭ قارا­وبا جانە جۇل­دىز, قارا­تو­بە­نىڭ حان­كول, تاسقالانىڭ تاس­قالا, ويان, تەرەكتىنىڭ شاعا­تاي اۋىل­دارىنا تازا سۋ بارادى. سونىمەن قاتار, بيىل 14 سۋ نىسانىنىڭ جوبا­لىق-سمەتا­لىق قۇجاتتاما­سىن داي­ىنداۋ جوسپارلان­عان. ورال.