ارمەنيا استاناسى – ەرەۆان قالاسىندا تاعى دا نارازى جۇرتتىڭ شەرۋلەرى ءجۇرىپ جاتىر. ول بۇدان ەكى اپتا بۇرىن پوليتسيا پولكىن قارۋلى توپتىڭ باسىپ الۋىنان باستاۋ الدى.
«ينتەرفاكس» اقپارىنشا, قازىر پوليتسيا مەن نارازىلار قاقتىعىستارى سالدارىنان زارداپ شەككەندەر سانى 60 ادامنان اسىپ كەتتى.
ەلدىڭ دەنساۋلىق ساقتاۋ مينيسترلىگىنىڭ ءباسپاسوز حاتشىسى انايت ايتاياننىڭ ايتۋىنشا, «سۋرب گريگور لۋساۆوريچ» مەديتسينالىق ورتالىعىنا 42 زارداپ شەگۋشى, سونىڭ ىشىندە اۋىر جاراقات العان 4 ادام جەتكىزىلگەن. «ەرەبۋني» مەديتسينالىق ورتالىعىنا 12 ادام تۇسسە, ولاردىڭ بىرەۋى ءولىم حالىندە جاتىر.
بۇدان بۇرىن شەرۋشىلەردى قۋىپ تاراتۋ بارىسىندا ەكى پوليتسەيدىڭ سوققىعا جىعىلىپ, بىرنەشە ادامنىڭ جارالى بولعاندارى حابارلانعان ەدى.
ارمەنيا قۇقىق قورعاۋ ورگاندارىنىڭ قىزمەتكەرلەرى نارازى توپتى 29 شىلدە, جۇما كۇنى كەشكە مۇنىڭ الدىندا ب ۇلىكشىلەر باسىپ العان پوليتسيا پولكى عيماراتى ماڭىنان قۋىپ شىققانى جەتكىزىلگەن بولاتىن. سول سۇرگىندە 50 ادام قاماۋعا الىندى.
وقيعانىڭ باسى بۇدان ەكى اپتا بۇرىن قارۋلى ادامداردىڭ ەرەۆانداعى ەرەبۋني اۋدانىندا ورنالاسقان پوليتسيا پولكى عيماراتىنا باسىپ كىرگەنىنەن كەيىن ءورىس الىپ كەتتى. پوليتسياعا شابۋىل جاساۋشىلار 7 ءتاپتىپ ساقشىنى كەپىلگە الدى. راديكالدار وپپوزيتسيونەر جيراير سەفيلياندى ق ۇلىپ استىنان بوساتۋدى, پرەزيدەنت سەرج سارگسياننىڭ وتستاۆكاعا كەتۋىنتالاپ ەتتى.
مۇرات ايتقوجا