كوكشەتاۋدا وبلىس اكىمى سەرگەي كۋلاگين سيرەك كەزدەسەتiن مەتالداردى وڭدەيتiن زاۋىت سالۋعا نيەتتى اۆستراليالىق «ILUKA Exploration (Kazakhstan)» كومپانياسىنىڭ وكiلدەرiمەن كەزدەسۋ وتكىزدى.
ەسكە سالا كەتسەك, ينۆەستيتسيالار جانە دامۋ مينيسترلiگi اتالمىش كومپانيامەن جەر قىرتىسىن گەولوگيالىق زەرتتەۋ جانە بارلاۋ سالاسىندا ءوزارا تۇسiنiستiك-ىنتىماقتاستىق تۋرالى مەموراندۋم بەكiتكەن بولاتىن.
«Iluka Resources Limited» اۆستراليالىق تاۋ-كەن كومپانياسى الەمدەگi iرi تسيركوني جانە جوعارى ساپالى تيتان ءونiمiن ءوندiرۋشi بولىپ تابىلادى. اعىمداعى جىلى ونىڭ قازاقستانداعى جوبالارىن جۇزەگە اسىراتىن ەنشiلەس كومپانياسى دا قۇرىلعان.
كەزدەسۋ بارىسىندا اقمولا وبلىسىنىڭ جەر قىرتىسىندا يلمەنيت, رۋتيل, تسيركوني جانە قالايى مەتالدارىنىڭ بولۋىن مەملەكەتتiك گەولوگيالىق بارلاۋ بويىنشا جوبا تالقىلاندى. اتالمىش جوبا قوستاناي جانە سولتۇستiك قازاقستان وبلىستارىندا دا تالقىلاناتىن بولادى.
بولاشاقتا وسى وبلىستاردىڭ بiرiنiڭ اۋماعىندا سيرەك كەزدەسەتiن مەتالداردى وڭدەۋ بويىنشا قۇنى 500 ميلليون اقش دوللارى تۇراتىن زاۋىت قۇرىلىسىن سالۋ جوسپارلانۋدا. كومپانيا زاۋىت بيۋدجەتiن الدەقاشان ماقۇلداپ قويعانىن دا اتاي كەتۋ كەرەك.
«بiز وبلىسىمىزعا قارجى قۇيۋعا كەلگەن ينۆەستورلاردى قۋانا قارسى الامىز جانە ىنتىماقتاستىققا مۇددەلiمiز. اقمولا وبلىسى استانا ماڭىنداعى اۋماق بولىپ سانالاتىندىقتان بايلانىس سالاسى دامىعان. بiز سiزدەرگە جۇمىس ءۇشiن قولايلى جاعداي جاساۋعا دايىنبىز جانە ۇسىنىستار كۇتەمiز», دەدi وبلىس اكىمى س.كۋلاگين.
باقبەرگەن امالبەك,
«ەگەمەن قازاقستان»
اقمولا وبلىسى