قر ءبىلىم جانە عىلىم ءمينيسترىنىڭ 2010 جىلعى 1 قاراشاداعى № 506, قازاقستان رەسپۋبليكاسى ادىلەت مينيسترلىگىندە 2010 جىلعى 18 قاراشادا № 6640 تىركەلگەن
قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى
2010 جىلعى 1 قاراشا №506 استانا قالاسى
ء“بىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى” قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى
№ 125 بۇيرىعىنا وزگەرىستەر ەنگىزۋ تۋرالى
ء“بىلىم تۋرالى” قازاقستان رەسپۋبليكاسى زاڭىنىڭ 5-بابىنىڭ 19) تارماقشاسىنا سايكەس بۇيىرامىن:
1. ء“بىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى اتتەستاتتاۋ جۇرگىزۋدىڭ ۇلگى ەرەجەسىن بەكىتۋ تۋرالى” قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى № 125 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2008 جىلعى 21 ساۋىردەگى № 5191 تىركەلگەن جانە “زاڭ گازەتىنىڭ” 2008 جىلعى 30 مامىرداعى № 81 سانىندا جاريالانعان) مىناداي وزگەرىستەر ەنگىزىلسىن:
كورسەتىلگەن بۇيرىقپەن بەكىتىلگەن ءبىلىم الۋشىلاردىڭ ۇلگەرىمىن اعىمداعى باقىلاۋ, ارالىق جانە قورىتىندى اتتەستاتتاۋدىڭ ۇلگى ەرەجەسىندە:
بۇكىل ءماتىن بويىنشا “نەمەسە عىلىمي ۇيىمداردىڭ”, “نەمەسە عىلىمي ۇيىمدا”, “نەمەسە عىلىمي ۇيىمنىڭ”, “(عىلىمي ۇيىمنىڭ)”, “نەمەسە عىلىمي ۇيىمنىڭ عىلىمي كەڭەسى”, “نەمەسە عىلىمي ۇيىمدار”, “(عىلىمي ۇيىمنان)”, “نەمەسە عىلىمي ۇيىم”, “نەمەسە عىلىم ۇيىمى”, “مەن عىلىمي ۇيىمدار”, “نەمەسە عىلىمي ۇيىمىنان”, “نەمەسە عىلىمي ۇيىمداعى”, “عىلىمي ۇيىم ديرەكتورىنىڭ ورىنباسارى نەمەسە”, “نەمەسە عىلىمي ۇيىم ديرەكتورىنىڭ ورىنباسارى” دەگەن سوزدەر الىنىپ تاستالسىن;
93 جانە 94 - تارماقتار الىنىپ تاستالسىن;
95 - تارماق مىناداي رەداكتسيادا جازىلسىن:
“95. ستۋدەنتكە مىناداي جاعدايدا ديپلومدىق جۇمىستىڭ (جوبانىڭ) ورنىنا ەكى مەملەكەتتىك ەمتيحان تاپسىرۋعا رۇقسات ەتىلەدى:
1) دەنساۋلىق جاعدايى تۋرالى مەديتسينالىق انىقتامانىڭ نەگىزىندە ستاتسيوناردا ۇزاق ەمدەلۋدە ء(بىر ايدان ارتىق);
2) بالا تۋى تۋرالى كۋالىگىنىڭ نەگىزىندە 3 جاسقا دەيىنگى بالالارى بار;
3) اتا-انالارىنىڭ دەنساۋلىق جاعدايى تۋرالى مەديتسينالىق انىقتاماسىنىڭ نەگىزىندە اۋرۋ اتا-اناسىن كۇتۋشى;
4) مۇگەدەك تۋرالى مەديتسينالىق انىقتامانىڭ نەگىزىندە مۇمكىندىگى شەكتەۋلى مۇگەدەك.
وسى رەتتە, ءبىلىم الۋشى جوعارى وقۋ ورنى باسشىسىنىڭ اتىنا ءوتىنىش جازادى جانە ءتيىستى قۇجاتتاردى ۇسىنادى. باسقا جاعدايدا ديپلومدىق جۇمىستى قوسىمشا مەملەكەتتىك ەمتيحاندار تاپسىرۋعا اۋىستىرۋعا رۇقسات ەتىلمەيدى.
بۇل جاعدايدا مەملەكەتتىك ەمتيحاننىڭ تىزبەسى ءبىتىرۋشى كافەدرا ۇسىنىسى بويىنشا فاكۋلتەت كەڭەسىنىڭ شەشىمىمەن بەكىتىلەدى.”.
2. جوعارى جانە جوعارى وقۋ ورنىنان كەيىنگى ءبىلىم دەپارتامەنتى (س.م.ومىرباەۆ):
1) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى قامتاماسىز ەتسىن;
2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن.
3. وسى بۇيرىقتىڭ ورىندالۋىن باقىلاۋ ۆيتسە-مينيستر م.ن.سارىبەكوۆكە جۇكتەلسىن.
4. وسى بۇيرىق العاش رەت رەسمي جاريالانعاننان كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى.
مينيستر ب.جۇماعۇلوۆ.
–––––––––––––––––––––––––––
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2010 جىلعى 18 قاراشادا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6640 بولىپ ەنگىزىلدى.