الماتى وبلىسىندا تۋريزم سالاسىن دامىتۋ ماقساتىندا الاكول اۋدانىنىڭ ورتالىعى ءۇشارال قالاسىندا 50 جولاۋشىعا قىزمەت كورسەتەتىن اەروۆوكزال سالۋ ءۇشىن جەر تەلىمى بەكىتىلىپ, جوبالىق سمەتالىق قۇجاتتارى دايىندالدى.
جالپى, الاكول جاعالاۋىنا 3,1 ملرد. تەڭگەنىڭ ينۆەستيتسياسى تارتىلىپ, 1200 ورىندى 3 دەمالىس كەشەنىنىڭ قۇرىلىسى قارقىندى جۇرۋدە. وتكەن جىلى كول جاعالاۋىنداعى 102 دەمالىس ورنىندا 144 000 ادام دەمالىپ, ولارعا 612 ملن. تەڭگەنىڭ قىزمەتى كورسەتىلگەن ەدى. بيىل تاعى 26 دەمالىس ورنىن ىسكە قوسۋ جوسپارلانىپ, 220 مىڭ ادام كەلەدى دەپ كۇتىلۋدە. دەمالىس ۇيلەرىنىڭ قۇنى 3500-6500 تەڭگە كولەمىندە بولادى. زامان تالابىنا ساي سالىنعان ورىندار 11000-60000 تەڭگەگە دەيىن باعالانىپ وتىر.
الاكولگە اۋە جولىنان بولەك, تەمىرجول, اۆتوموبيل جولى دا بار. كولىك قولجەتىمدىلىگىمەن قامتاماسىز ەتۋ ماقساتىندا بيىلعى جازعى دەمالىس ماۋسىمىندا «الماتى-دوستىق» باعىتىندا جۇرەتىن تۋريستىك پويىزى اپتاسىنا 3 رەت قاتىنايدى. ال «الماتى-ءۇشارال-اقشي-كوكتۇما» مارشرۋتى بويىنشا كۇنىنە 5 اۆتوبۋس جولاۋشىلاردى تاسىمالدايدى.
نۇربول الدىباەۆ,
«ەگەمەن قازاقستان»
الماتى وبلىسى,
الاكول اۋدانى