قامىس

ول – قولدانا بىلسە, مىقتى قۇرىلىس ماتەريالى سىردىڭ بويىندا وتىرعان اۋدانداردىڭ ىسكەر جىگىتتەرى داريا­نى بويلاپ وسەتىن قالىڭ قامىستى كادەگە جاراتىپ جاتىر. قالىڭ قورىستان ەڭ العاش قۇرىلىس ماتەريالدار جاساعان شاردارالىق كاسىپكەردىڭ ونىمدەرى ارزان جانە باسەكەگە قابىلەتتى بولعاندىقتان تۇتىنۋشىلاردىڭ قىزىعۋشىلىعىن ارتتىرعان ەدى. ەندى وتىرار اۋدانى قارعالى اۋىل­ىن­داعى «اقمەرگەن» سەرىكتەس­تىگى جەرگىلىكتى جەردە كوپ وسە­تىن تابيعات ونىمدەرىنەن قۇرى­لىس ما­تەريالدارىن شىعارۋ جوباسىن ىسكە اسىرۋدا. قازاقتا «شەشىنگەن سۋدان تايىنباس» دەگەن ماتەل بار. «اقمەرگەن» جىگىتتەرىنىڭ جوباسى مەملەكەتتىك ۇدەمەلى يندۋس­تريالىق-يننوۆاتسيالىق دامۋ باعدارلاماسىنىڭ اياسىندا يندۋستريالىق كارتاعا ەنگەن. جوبانىڭ جالپى قۇنى 622,3 ملن. تەڭگە بول­سا, بيزنەستى قولداۋ باعدارلاماسى بويىن­شا 320 ملن. تەڭگە جەڭىلدەتىلگەن نەسيە بەرىل­گەن. قازىر تسەحتىڭ قاجەتتى قوندىرعىلارى ورناتىلىپ, قامىس وراتىن, جينايتىن, كەپتىرەتىن جانە وزگە ماقساتتارعا كەرەكتى تەحنيكالار الىنعان. كەلەر جىلى تولىق ىسكە قوسىلادى دەپ كۇتىلىپ وتىرعان كاسىپورىن 30 ادامعا جاڭا جۇمىس ورنىن اشىپ بەرەدى. جىلىنا 720 مىڭ شارشى مەتر ءونىم شىعارۋعا قابىلەتتى تسەحتىڭ نىعىزدالعان قامىس تاقتايشالارى قۇرىلىستىڭ ىشكى, سىرتقى ارلەۋ جانە قاپتاۋ جۇمىستارىنا پايدالانىلادى. سونىمەن قاتار, ءتۇرلى جيھازدار جاساۋعا دا قولايلى ماتەريال. ەلىمىزدىڭ قاي تۇكپىرىنە بار­ساڭىز وسى باعىتتاعى قۇرىلىس ماتەريالدارى قىتاي جانە رەسەيدەن تاسىمالداناتىنىن كورەسىز. جوبا جەتەكشىلەرى كورشى مەملەكەتتەردەن اكەلىنەتىن قۇرىلىس ماتەريالىنان اناعۇرلىم ارزان ءارى ساپالى ەكەندىگىن ايتادى. لا­يىم, سولاي بولعاي. ويتكەنى, قا­زىر­دىڭ وزىندە كاسىپورىن ءونىم­دەرىنە الدىن-الا تاپسىرىس بەرگەندەر كوپ. «اقمەرگەن» جشس-ىندە بولعان اۋدان اكىمى ەرلان ايتاحانوۆ كا­سىپورىن جۇمىسىنداعى كەيبىر تۇيتكىلدى ماسەلەلەردى شەشۋگە ءجار­دەمدەسەتىندىگىن ايتتى. ماقتاارال اۋدانىندا بول­عانىمىزدا كادىمگى ماقتانىڭ قوزاپاياسىنان قۇرىلىس ماتەريالدارىن جاساپ جاتقان كاسىپورىن جۇمىسىمەن تانىسقانبىز. ەندى قاۋ قامىس كادەگە جاراپ جاتىر. «وزىمدىكى دەگەندە وگىز قارا كۇشىم بار» دەگەن وسى. وتاندىق ونىمدەر وزگە ەلدىڭ وسىنداي قۇرىلىس ماتەريالدارىمەن باسەكەدە قابىلەتتى بولسا, ەلىمىزدىڭ الەۋەتى ارتا بەرەدى. باقتيار تايجان, «ەگەمەن قازاقستان» وڭتۇستىك قازاقستان وبلىسى