[caption id="attachment_48719" align="aligncenter" width="560"] فوتو: ria.ru[/caption]
قىتايدىڭ حۋنان پروۆينتسياسىندا جولاۋشىلار اۆتوبۋسى اپاتقا ۇشىراپ, 30 ادام قازا تاپتى. ريا «نوۆوستي» اقپارات اگەنتتىگىنىڭ حابارلاۋىنشا, كولىك ىشىندە 56 جولاۋشى بولعان.
العاشىندا 7 ادامنىڭ وپات بولىپ, 21 ادامنىڭ زارداپ شەككەنى حابارلانعان.
مالىمەتتەر بويىنشا, 56 جولاۋشىسى بار اۆتوبۋس جول جيەگىندەگى قورشاۋعا بارىپ سوعىلعان. وقىس وقيعا سالدارىنان ماشينانىڭ مايى اعىپ, اۆتوبۋس تولىعىمەن ورتەنىپ كەتكەن.
قازىرگى تاڭدا ءورت سوندىرۋشىلەر قىزىل جالىندى ءسوندىردى. اۆتوبۋس جۇرگىزۋشىسى ۋاقىتشا قاماۋعا الىندى. ءتارتىپ ساقشىلارى تەرگەۋ جۇمىستارىن جۇرگىزىپ جاتىر. زارداپ شەككەندەر جاقىن ماڭايداعى اۋرۋحانالارعا جەتكىزىلدى.
ايان ءابدۋالي.