IV حالىقارالىق «KADEX-2016» قارۋ-جاراق پەن اسكەري تەحنيكا كورمەسىنىڭ باستالۋىنا ساناۋلى كۇندەر قالدى. كورسەتىلەتىن تەحنيكا كورمە وتكىزىلەتىن ورىنعا شوعىرلانا باستايدى. ال ۇيىمداستىرۋشىلار كەلۋشىلەر مەن قاتىسۋشىلار ءۇشىن سوڭعى جۇمىستاردى جۇرگىزىپ جاتىر.
«KADEX-2016» كورمەسىنە كەلۋشىلەر قورعانىس ونەركاسىبىنىڭ كورسەتىلەتىن وبەكتىلەرىن ءوز كوزىمەن كورىپ, ەرەكشە اسەر الىپ قانا قويماي, كورمەنى ۇيىمداستىرۋشىلار دايىنداعان شارالارعا كوڭىلدەرى تولىپ, ءبىر مارقايىپ قالارى انىق.
قوعامدىق تاماقتانۋدى ۇيىمداستىرۋ ءۇشىن كورمەگە قاتىسۋشىلار مەن كەلۋشىلەر ءۇشىن ۇلتتىق ستيلدەگى 10 كيىز ءۇي تىگىلەدى. ەكى كيىز ۇيدە ۇلتتىق كادەسىيلار ساتىلادى, ءبىرەۋىندە قازاق تۇرمىسىنىڭ ءداستۇرى مەن مادەنيەتىن, قالعان جەتەۋىندە ۇلتتىق اس ءمازىرى, ياعني قازى-قارتا, قىمىز, شۇبات, كوجە, سونداي-اق, وزگە ەلدەردىڭ تاعامدارى ساتىلىمعا شىعارىلادى. تاعام باعالارى نارىق باعاسىنا قاراعاندا قولجەتىمدى بولادى. مۇنى ۇيىمداستىرۋشىلار ايتىپ وتىر.
ءبىر كۇندە 1500-2000 ادامعا قىزمەت كورسەتىلەدى دەپ كۇتىلۋدە ەكەن. ودان باسقا, مەيماندار ءۇشىن ۇلتتىق جانە ەۋروپالىق اس ءمازىرى بار «لاگۋنا» ەكى پالاتكالى مەيرامحاناسى اشىق بولاتىن كورىنەدى. جانە ءبىر ايتا وتەرلىگى – تازا اۋادا وتىرىپ تاماقتانۋعا دا مۇمكىندىك جاسالماقشى ەكەن. ۇيىمداستىرۋشىلار, سونداي-اق كورمەگە قاتىسۋشىلار مەن قوناقتارعا ءۇش جەردە فاستفۋدى جانە سالقىنداتىلعان سۋسىندارى بار, تەز تاماقتانۋ پالاتكالارى مەن پاۆيلوندار قىزمەت كورسەتەتىنىن جەتكىزدى. قوعامدىق تاماقتانۋ ورىندارى كورمە باستالعان ساتتەن باستاپ سوڭعى كليەنتكە دەيىن اشىق بولاتىنى دا اتاپ ءوتىلدى.
IV حالىقارالىق «KADEX-2016» قارۋ-جاراق پەن اسكەري تەحنيكالار كورمەسى قورعانىس سالاسىنداعى اۋقىمدى ءىس-شارالاردىڭ بىرىنە اينالىپ وتىر. ول قورعانىس ونەركاسىبى سالاسى ماماندارىنىڭ عانا ەمەس, سونىمەن بىرگە, بۇقارالىق-مەديانىڭ دا نازارىن اۋدارتۋدا. كورمەدەن الەمنىڭ كوپتەگەن ەلىنەن 300-دەن اسا بۇقارالىق اقپارات قۇرالدارىنىڭ وكىلدەرى اقپارات تاراتاتىن بولادى.
ساۋلەبەك ءبىرجان