ەلباسى نۇرسۇلتان نازارباەۆ «رويال داتچ شەلل پلس» كونتسەرنىنىڭ باس اتقارۋشى ديرەكتورى بەن ۆان بەردەنمەن شەتەل ينۆەستورلارى كەڭەسى اياسىندا كەزدەسۋ وتكىزدى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا قازىرگى ءوزارا ءىس-قيمىلدىڭ بىرقاتار ماسەلەلەرى, سونداي-اق, كونتسەرن قىزمەتىنىڭ مەيلىنشە پەرسپەكتيۆالى سالالارىنداعى ىنتىماقتاستىق اياسىن كەڭەيتۋ جولدارى قاراستىرىلدى.
اتاپ ايتقاندا, نۇرسۇلتان نازارباەۆ كومپانيانىڭ قاشاعان كەن ورنىن يگەرۋ جوباسىنداعى ماڭىزدى ءرولىن اتاپ كورسەتىپ, ب.بەردەندى «بي دجي گرۋپپ» كومپانياسىمەن قوسىلۋ ۇدەرىسىنىڭ تابىستى اياقتالۋىمەن قۇتتىقتادى.
قازاقستان پرەزيدەنتى قازىرگى كەزەڭدە «رويال داتچ شەلل پلس» ءبىزدىڭ ەلىمىزدىڭ مۇناي-گاز سالاسىنداعى اسا ءىرى ينۆەستورلاردىڭ ءبىرى بولىپ وتىرعانىنا نازار اۋداردى. سونىمەن قاتار, مەملەكەت باسشىسى بۇل سالاداعى ىنتىماقتاستىقتى ودان ءارى نىعايتۋ قاجەتتىگىنە توقتالدى.
ب.بەردەن ءوزارا ءىس-قيمىلدىڭ جانە ينۆەستيتسيالىق جوبالاردى ءتيىمدى جۇزەگە اسىرۋدىڭ دەڭگەيى جوعارى ەكەنىن اتاپ ءوتىپ, تاياۋداعى كەزەڭدە جالعاستىراتىن جۇمىستارىنا قاتىستى جوسپارلارى جونىندە ايتتى.