استانانىڭ حالىقارالىق رەيتينگى

ەۋروپانىڭ ءىرى قالالارىمەن يىق تەڭەستىرە باستادى بىلتىر قالانىڭ ەكونوميكاسىنا تارتىلعان ينۆەستيتسيالاردىڭ جىل سايىنعى ءوسىمى 397 ميلليارد تەڭگەدەن 773 ميلليارد تەڭگەگە دەيىن 1,5 ەسەگە ارتتى. ءوز كەزەگىندە ەلوردانىڭ حالىقارالىق رەيتينگىسىن ۆاا3 دەڭگەيىنە دەيىن كوتەرۋگە ءارى بارسەلونا, ىستانبۇل سەكىلدى الەمنىڭ بىرقاتار قالالارىمەن تەڭەسۋگە مۇمكىندىك بەردى. بۇل تۋرالى قالالىق ءماسلي­حاتتىڭ كەزەكتەن تىس سەسسياسىندا استانا قالاسى اكىمىنىڭ ورىنباسارى اندرەي لۋنين مالىمدەدى. – قالانى دامىتۋدىڭ 2011-2015 جىلدارعا ارنالعان باع­دارلاماسى   جۇزەگە اسىرىلعان بەس جىلدا جالپى وڭىرلىك ءونىم كولەمىنىڭ كورسەتكىشى 2010 جى­لعى 1 تريلليون 800 ميلليارد تەڭگەدەن 2015 جىلى 4 تريلليون 600 ميلليارد تەڭگەگە دەيىن 1,6 ەسەگە ۇلعايدى. وتكەن جىلدىڭ قورىتىندىسى بويىنشا ەلوردادا ەكونوميكالىق ءوسىمنىڭ وڭ ءۇردىسى – 106,3 پايىز. بۇل رەتتە استانانىڭ رەسپۋبليكانىڭ ىشكى جالپى ءونىمىنىڭ كولەمىندەگى ۇلەسى 8 پايىزدان 11 پايىزعا دەيىن ءوستى. ونەركاسىپتىك ءوندىرىس كول­ەم­دەرىنىڭ ناقتى كورسەتكىشى 2010 جىلمەن سالىستىرعاندا 111 ميلليارد تەڭگەدەن 348 ميلليارد تەڭگەگە دەيىن, 1,4 ەسەگە ارتتى, – دەدى اندرەي لۋنين. ول سونداي-اق, قازاقستان اس­تاناسىنىڭ تۋريستەر ءۇشىن دە اسا تارتىمدى ەكەنىن ايتتى. بەس جىل ىشىندە ەلورداعا 3 ميلليوننان استام قوناق كەلگەن. ونىڭ ىشىندە 650 مىڭى – شەتەلدىكتەر. ايان ءابدۋالي, «ەگەمەن قازاقستان»