تاريح • 13 جەلتوقسان, 2017
اقمولا وبلىسىنداعى كيەلى ورىندار
اقمولا وبلىسىندا كيەلى ورىندار كوپتەپ سانالادى. دەي تۇرعانمەن, زەرتتەۋ جۇمىستارى سەلقوس جۇرگىزىلىپ كەلدى. تەك سوڭعى جىلدارى بۇل ماسەلەگە ەرەكشە كوڭىل بولىنە باستاعان سىڭايلى. ەلباسىنىڭ «رۋحاني جاڭعىرۋ» باعدارلاماسى جاريالانعاننان كەيىن عانا سەڭ قوزعالدى. وسى كۇندەرى نەندەي شارالار اتقارىلىپ جاتقانىن ءوز كوزىمىزبەن كورۋ ءۇشىن ءباسپاسوز تۋرىمەن كيەلى جەرلەرگە جول تارتتىق. بۇل وڭىردە جيىرماعا تارتا كيەلى جەر بار. سونىڭ ءبىر بولىگى رەسپۋبليكالىق كيەلى جەرلەر كارتاسىنا ەنگىزىلىپ, قالعانى وبلىستىق تىزىمنەن ورىن الىپ وتىر.
ايماقتار • 13 جەلتوقسان, 2017
جامبىلدا «ءباھادۇر باتىر بايسەيىت تويشىبەك ۇلى – تاريحي تۇلعا» اتتى كونفەرەنتسيا ءوتتى
توسىندە ساعىم ويناعان سايىن دالانى باسقىنشى جاۋدان قورعاعان باتىر بابالار ەسىمى حالقىمەن قايتا قاۋىشقالى شيرەك عاسىر ۋاقىت ءوتتى.
ادەبيەت • 13 جەلتوقسان, 2017
«اقتاستاعى احيكو» قالاي جازىلدى؟ (ەسسە)
2016 جىلدىڭ اقپانىندا باستىعىمىز, مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەرلان ءبىلال كابينەتىنە شاقىرىپ «قاراعاندى وبلىسىنداعى اقتاس كەنتىندە احيكو تەتسۋرو دەگەن قاريا تۇرادى ەكەن. قازاقستانعا سوعىستان كەيىن قۋعىن-سۇرگىنگە ۇشىراپ كەلىپتى, ءجاسوسپىرىم شاعىنان قارلاگتا وتىرعان. سودان ءبىزدىڭ ەلدى مەكەندەپ قالىپتى. جاپونياعا بىرنەشە مارتە قايتا ورالعان ەكەن, ءتىپتى كەزىندە جاپونيا وعان ءۇي, جاردەماقى تاعايىنداپ, الدىرىپتى. ەكى-ءۇش جىل تۇرىپ, جەرسىنە الماي اقتاسىنا قايتا ورالىپتى. قارلاگ تاقىرىبىن كەڭىنەن زەرتتەپ جۇرگەن نۇرلان دۋلاتبەكوۆ دەگەن عالىم ماعان سول كىسىنىڭ تاعدىرىن ساحنالاساق دەگەن يدەيامەن شىعىپ وتىر, سەن پەسا جازساڭ» دەدى. وسىعان دەيىن شىعارماشىلىعىما ميستيكا مەن ادام پسيحيكاسىنىڭ ءتۇرلى رەڭكتەرىن ارقاۋ ەتىپ كەلگەن مەن دەرەكتى دۇنيە, كوزى ءتىرى, ومىردە بار ادام جايلى قالاي جازامىن دەپ جۇرەكسىندىم. سول كەزدەگى تاريحتى, اياۋلى الاش بوزداقتارىن قامتۋ شارت... «جازا المايمىن-اۋ» دەدىم. باستىق «جازا المايمىن دەگەندى جازىپ كورىپ, سودان كەيىن ايت» دەدى. «جاقسى» دەپ كابينەتتەن شىقتىم. ۇمىتتەن كۇدىك باسىم بولدى.
تاريح • 13 جەلتوقسان, 2017
تاۋەلسىزدىككە قول جەتكىزىپ, الەم قوعامداستىعى الدىندا قۇقىقتىق مارتەبەگە يە بولىپ وتىرعان قازاقستان – قازاق حالقىنىڭ ۇيىق مەكەنى. ەجەلدەن ەركىندىك اڭساعان بابالارىمىز ازاتتىق جولىندا ءتۇن ۇيقىسىن ءتورت ءبولىپ, كۇندىز وتىرمادى, تۇندە ۇيىقتامادى ۇرپاق قامى ءۇشىن.
كەزىندە قازاق ادەبيەتىنىڭ كلاسسيك اقساقالى عابيت مۇسىرەپوۆتىڭ «سوتسياليستىك قازاقستان» گازەتىندە شىققان ء«داستۇر جانە جاڭاشىلدىق» دەگەن ماقالاسى جان سارايىن ءوزى ايتاتىن ەسرافىل سامالىنداي جەلپىپ, زيالى قاۋىم مەن جازۋشى جاماعاتقا كەڭەستىك تىمىرسىقتىڭ كوبەسىن سوككەن ساۋلەدەي اسەر ەتىپ ەدى.
